影片
更多
2019-11-12
255 浏览
今个星期系朋友嘅生日，岩岩出左粮就一于食好啲，今次就比左惊喜佢，一早就book左系尖沙咀食omakase。餐厅好有日本风格，仿如致身于日本一样，我地安排坐左系吧枱，可以一直睇住日本师傅一道道菜整出黎。Omakase有一个好处就系带比我地每个人有惊喜，师傅为我地准备最时令嘅日式美食。先黎嘅系前菜为今次嘅豪华之旅揭开新一页，冷盘八爪鱼，每只八爪鱼仔沾上秘制酱汁，酱汁甜甜地带有酒香，八爪鱼仔好爽甜，两者系绝配，令我地胃口大开。茶碗蒸，唔好睇少呢一道看似平平无奇嘅平民菜式，整得好味之余仲要令食客留下深刻印象就真系唔容易。蛋蒸得好滑溜仲有好清香嘅高汤味，入口即溶，蛋入面仲有丰富嘅配料，包括:鸡肉、虾、蟹肉、香菇等等，将精华浓缩系蒸蛋到，味道非常丰富。之后就到重头戏-刺身，包括左：樱花鲷、拖罗、深海池鱼，由味道轻至深去品尝，先食樱花鲷，爽脆口感非常肥美，肉质丰腴，入口油香丰富。拖罗系吞拿鱼腩最肥美嘅部位，大受欢迎唔系无理由，入口带鱼油香，肉质油润而软滑，入口即溶，后劲带有甘香。深海池鱼入口质感爽脆，非常鲜甜，口感丰富，鱼味突出。新鲜嘅刺身只要加上少少寿司酱油就能否更加提出鲜味。每一道菜都好似一道艺
餐厅好有日本风格，仿如致身于日本一样，我地安排坐左系吧枱，可以一直睇住日本师傅一道道菜整出黎。Omakase有一个好处就系带比我地每个人有惊喜，师傅为我地准备最时令嘅日式美食。
先黎嘅系前菜为今次嘅豪华之旅揭开新一页，冷盘八爪鱼，每只八爪鱼仔沾上秘制酱汁，酱汁甜甜地带有酒香，八爪鱼仔好爽甜，两者系绝配，令我地胃口大开。
茶碗蒸，唔好睇少呢一道看似平平无奇嘅平民菜式，整得好味之余仲要令食客留下深刻印象就真系唔容易。蛋蒸得好滑溜仲有好清香嘅高汤味，入口即溶，蛋入面仲有丰富嘅配料，包括:鸡肉、虾、蟹肉、香菇等等，将精华浓缩系蒸蛋到，味道非常丰富。
之后就到重头戏-刺身，包括左：樱花鲷、拖罗、深海池鱼，由味道轻至深去品尝，先食樱花鲷，爽脆口感非常肥美，肉质丰腴，入口油香丰富。
拖罗系吞拿鱼腩最肥美嘅部位，大受欢迎唔系无理由，入口带鱼油香，肉质油润而软滑，入口即溶，后劲带有甘香。
深海池鱼入口质感爽脆，非常鲜甜，口感丰富，鱼味突出。新鲜嘅刺身只要加上少少寿司酱油就能否更加提出鲜味。
每一道菜都好似一道艺术品，吞拿鱼卷上鱿鱼，上面加上金箔作点缀，看似名贵，味觉上嘅回忆更为难忘，口感丰富，爽口弹牙，两者鲜甜带来味觉冲击。
北海道厚切鲍鱼刺身，配上秘制鲍鱼汁，增添鲜味，入口烟韧鲜甜，散发阵阵清香。
食完之后师傅会放上寿司饭配上秘制鲍鱼汁食，鲜味无穷。
Omakase中包含六款手握寿司，一系列时令海鲜食材呈现于见前，鲜味大爆发，由清香鲜味至浓味慢慢升华，令之后嘅菜式唔会被前一道食材遮掩左味道。
九洲鲈鱼配上秘制寿司酱油，入口鲜甜可口带有鱼油香；饭粒带有黏性同Q弹，软硬适中。
鲭鱼中配上葱粒同姜末，配搭恰到好处，鲭鱼味道较为清淡但配上葱粒同姜末，令味道更为浓烈，带来不一样的味觉冲击。
深海池鱼腩肉质细致爽口带油香，相当肥美，食左之后口腔仍然充斥住浓郁嘅鲜味。
蓝鳍吞拿口感丰富肥美，入口带有浓郁鱼油芳香。
赤贝味道鲜美，口感爽脆不油腻，带有浓厚海洋鲜味。
火灸广岛蚝寿司就好考师傅嘅功力
外面烧得焦香，锁住鲜甜原汁风味，用手接住寿司之后一啖“啪”落口，广岛蚝饱满肥美，味道甘香，非常满足。三文鱼子海胆杯好似一个艺术品，上面放满海胆再加入三文鱼子作点缀
海胆creamy中带有鲜甜味，饭粒中加上海胆同三文鱼子，啖啖满足感，鲜味瞬间爆发。
鱼汤用鱼骨长时间熬煮而成，简单嘅调味就能够带出浓浓鱼香味，暖胃又舒服，饮唔停口。
之后以北海道蜜瓜作为完结，北海道蜜瓜非常驰名嘅原因之一就系味道香甜而不腻，入口多汁清甜，另有与众不同嘅味道。
张贴
