金龍泰國菜館

营业中

休息中

今晚同老公拍拖仔，去咗屯门行街街， 虽然呢头有好多大型嘅商场同肯定有大把好野食。但系我两公婆就钟意周围逛睇下街边有咩食多过留向商场揾食。行到甘上下，走左过去新墟，入左间好平民式既泰国餐馆试下。 由于我哋太早食饭，所以冇乜客人，服务员任何选择位置。我地叫咗一个并盘(虾饼、春卷、鸡翼、串烧。) 呢个拼盘最好味系虾饼，好弹牙。春卷都几特别，入面有块火腿嘅。鸡翼就肥腻咗少少，好多油。 串烧就真系一般。炭烧猪颈肉系我哋第二个菜式，好食呀！烧得好干身，但仍有好多肉汁。再加埋自家制辣汁配答唔错呀。至于马拉盏炒芥兰，就唔够辣同埋个芡汁就重手咗少少。最后个泰式炒金边粉，唔知点解好似黐埋一住咁，麻麻地。今晚无饮汽水，改饮青柠冰，酸酸甜甜咁，几开胃。整体上ok嘅，价钱属于好平，可以来帮衬下。