去滾

营业中

休息中

我系7月12号喺你哋度消费，然后喺你哋露台坐凳勾烂咗我条西裤，当时你哋manager raymond想推卸责任，话本身我哋唔应该出露台因为落雨，跟住我话我哋出去你哋冇阻止，又冇锁门，又冇话唔坐得，佢跟住知自己讲错野话帮我跟进，最后佢话免费请我同女朋友食一餐当和数。我拒绝跟住佢话会跟住公司程序交俾保险公司索偿。之后你哋同事Paul联络我话会即刻帮我处理，需时大概两星期，保险公司会联络我。前两日我打俾佢，佢话保险公司仲未回覆，要我保持耐性，我问佢有冇保险公司电话或者Office员工我可以直接联络，同要求佢提供保险公司名称及已提交相关文件作证。佢坚决拒绝话系机密文件同Office员工会喺星期五前联络我。今日下午我WhatsApp佢话仲未收到佢同事联络我，跟住佢就话同保险公司同Office商量过可赔偿1000 coupon喺佢哋旗下餐厅食用。请问咁同三星期前提供嘅Offer有咩分别？系咪代表你哋依三个星期完全冇做过嘢？只系敷衍我？我要求嘅文件同埋资料点解唔可以俾我？我完全有理由相信你哋完全冇跟进过。同埋保险公司会赔coupon? 我只系想拎返条裤嘅钱，连话实报实销赔返条裤嘅选择都冇？!