影片
更多
2021-09-16
2143 浏览
食友知我老婆喺讲健康嘅人士，又知小弟都喜欢饮吓啲台湾花茶、果茶，就介绍我试试呢一间「好茶养生」，主打一啲健康、养生嘅中式茶饮，真喺，正合心意。佢仲话，呢间茶饮店以前喺网购店，依家做到开实体，就自然喺有一定嘅实力。餐厅采开放式环境，所以，予人感觉开扬，而一室浅灰配白，简洁明亮，让人有一种提起劲嘅感觉，加上餐厅位处商场一角，而到访时人客又唔多，更加宁静盎然。就在近入口旁嘅用餐区，有一组陈列柜，趁等候茶饮时走一圈睇睇。柜上放有好多唔同种类嘅产品，都喺店家自家工场调配嘅茶饮，有小包装，有礼盒装，以花果茶嚟讲，定价都唔贵。 睇相就睇唔清有啲乜，幸好佢哋都备有产品单张，贴出嚟俾大家参考，产品真喺多元化，而且，除图文并茂之余，仲介绍埋有咩配料同功效，真喺按图索骥，拣番自己嘅心水。不过，现买嘅茶饮就无咁全面，包晒所有店家出品。但喺，可供选择嘅款式都唔少，亦确喺几特别，有别一般台式茶饮店嘅款式，更可选热饮，同样可以拣少甜少冰。此外，仲兼营甜品，款式唔多，但胜在精致。不过，此刻就只剩两款甜品而已。茶饮定价$35-$38，而蛋糕卖$48件，故此，Tea & Cake Set就最抵嘅，每人自选饮品一杯及蛋糕一
餐厅采开放式环境，所以，予人感觉开扬，而一室浅灰配白，简洁明亮，让人有一种提起劲嘅感觉，加上餐厅位处商场一角，而到访时人客又唔多，更加宁静盎然。
就在近入口旁嘅用餐区，有一组陈列柜，趁等候茶饮时走一圈睇睇。柜上放有好多唔同种类嘅产品，都喺店家自家工场调配嘅茶饮，有小包装，有礼盒装，以花果茶嚟讲，定价都唔贵。
睇相就睇唔清有啲乜，幸好佢哋都备有产品单张，贴出嚟俾大家参考，产品真喺多元化，而且，除图文并茂之余，仲介绍埋有咩配料同功效，真喺按图索骥，拣番自己嘅心水。
不过，现买嘅茶饮就无咁全面，包晒所有店家出品。但喺，可供选择嘅款式都唔少，亦确喺几特别，有别一般台式茶饮店嘅款式，更可选热饮，同样可以拣少甜少冰。此外，仲兼营甜品，款式唔多，但胜在精致。不过，此刻就只剩两款甜品而已。
茶饮定价$35-$38，而蛋糕卖$48件，故此，Tea & Cake Set就最抵嘅，每人自选饮品一杯及蛋糕一件，都喺卖$58。
士多啤梨千层批（散点价 $48）佢哋每一件蛋糕都喺独立盒装，予人感觉卫生，内附小叉仔，食用都方便。而望上去外型做得有板有眼，酥皮烘得金黄，层次都分明，入口都算酥脆且富牛油香，中间嘅士多啤梨吉士亦做得香滑，士多啤梨味都十足，整体亦唔会太甜。
玫瑰荔枝慕丝（散点价 $ 48）蛋糕做成一朵玫瑰花形，卖相自然抢到唔少分，加上以少女嘅粉色系，就更増加咗打卡度。单睇外面唔知葫芦里面卖咩药，一切开，底层喺海绵蛋糕底，中间仲有一层玫瑰味嘅果冻，酸香醒胃，而粉色嘅荔枝慕丝做得既柔滑，又有淡淡嘅荔枝清香，整体感觉好清新。
桂圆红枣茶（散点价 $36）小弟一向都偏爱桂圆，所以，拣咗呢一款以桂圆、红枣、枸杞、冰糖所做嘅桂圆红枣茶，但有别一般好似泰式嘅龙眼冰咁，杯内唔多见桂圆肉，但饮落又有一阵阵桂圆嘅清甜，感觉好清润，𠮶阵甜味又好纯香自然。
桂圆红枣茶
$36
9 浏览
0 赞好
0 留言
老婆就好钟意桂花阵香气，佢本身都有买啲桂花嚟自己冲，不过，未试过配雪梨，睇样同我杯桂圆红枣茶好似样，不过，唔睇张单张真喺唔知里面除桂花、雪梨干之外，仲有橘皮、甘草、菊花及冰糖，饮落确喺几清甜芳香，味道多变不单一。
虽然只是一杯茶饮、一件蛋糕，但感觉已写意悠闲，心情放松，香港人实在太匆匆忙忙，慢活一下亦是养生之道。
张贴
