忠記咖啡屋 (已結業)

实际系边日已经唔记得，应该系二月份某日中午。当日午餐客人太多，我和友人要搭枱，对面已坐了两位男士。我叫咗午餐蒜泥鸡饭，过一会侍应放低一个餐，她口中说是蒜泥鸡，我开始食，食咗两三件鸡后，另一位侍应又放低一客蒜泥鸡，对面两位男士冇反应，友人就回答，已经到咗食紧啦㖞，个侍应望下我碟鸡就话系口水鸡，系对面位男士叫嘅。原来我食紧口水鸡唔系蒜泥鸡，我就话是但啦都食紧啰，你同事话系蒜泥鸡我咪食啰，点知佢话唔可以，于是将我食紧碗饭放上碟鸡度攞走，然后叫我食刚刚放下嘅蒜泥鸡，仲同对面男士话等一等，整个碟口水鸡畀你。我觉得个侍应好浪费，好好地一碟鸡一碗饭倒去垃圾桶。