影片
更多
2011-10-28
1922 浏览
中环札幌由交易广场搬到去中上环新铺，人气依然，无他嘅，有麝自然香，质素好系取胜之道。我就趁未搬之前，就再嚟食番碗北海道靓拉面。星期六，晏画收咗工，约埋同事及太太，一齐会札幌。一碗拉面平均六、七十，不过过百一碗都有，而定食就七、八十到一百。我哋三个人，各自点自已喜好嘅拉面或定食，嚟到先试吓人哋碗味。制作需时，席间同事就问起坊间都有好多札幌或北海道㖞，有无关系架，印象中睇过啲杂志介绍过，其实都好复杂，佢哋之间有啲系朋友，有啲系对手，亦有啲师傅过档或者自立门户，当然亦有啲个名改得雷同，基本上无关系，总之依间「札幌元祖北海道拉面」就只此一家，绝无分店。但点都好，依个系自由经济社会，汰弱留强，掂唔掂食客自然食得出！大概都等咗15min，卒之有得食，讲翻转头，我哋等位都等咗一阵，见住啲客一批走又一批又嚟，尤其今日系星期六，无晒平日啲写字楼客，都依然进出进出人来人往。味噌拉面 $65 既然叫札幌，拉面自不然系挛而粗嘅面条，挂汤效果好。札幌出名在于佢哋用上北海道札幌嘅西山拉面，食落确系几够弹性有咬口，又耐浸唔易腍。味噌汤底几够面豉香，又带有少少甜味，呷一口称得上几鲜甜。而每款拉面都有两大片叉烧，同一般
星期六，晏画收咗工，约埋同事及太太，一齐会札幌。一碗拉面平均六、七十，不过过百一碗都有，而定食就七、八十到一百。我哋三个人，各自点自已喜好嘅拉面或定食，嚟到先试吓人哋碗味。制作需时，席间同事就问起坊间都有好多札幌或北海道㖞，有无关系架，印象中睇过啲杂志介绍过，其实都好复杂，佢哋之间有啲系朋友，有啲系对手，亦有啲师傅过档或者自立门户，当然亦有啲个名改得雷同，基本上无关系，总之依间「札幌元祖北海道拉面」就只此一家，绝无分店。但点都好，依个系自由经济社会，汰弱留强，掂唔掂食客自然食得出！大概都等咗15min，卒之有得食，讲翻转头，我哋等位都等咗一阵，见住啲客一批走又一批又嚟，尤其今日系星期六，无晒平日啲写字楼客，都依然进出进出人来人往。
味噌拉面 $65 既然叫札幌，拉面自不然系挛而粗嘅面条，挂汤效果好。札幌出名在于佢哋用上北海道札幌嘅西山拉面，食落确系几够弹性有咬口，又耐浸唔易腍。味噌汤底几够面豉香，又带有少少甜味，呷一口称得上几鲜甜。而每款拉面都有两大片叉烧，同一般拉面店比属于偏瘦，食起嚟质感略硬，但由于切得较为薄，而且猪肉带有点点油脂，所以口感又未至于嚡口，依种「瘦叉」啱晒我老婆，佢唔多喜欢肥猪肉。另外，配料方面有葱花、芽菜、笋干条、紫菜同粟米粒，份量适中，芽菜爽，笋干脆，粟米粒亦系超甜，做得丰富又认真。所以，吮住啲面嚟食，等每一啖都可以连汤带面咁食，就正得无比。
牛油塩拉面 $75 汤底味浓而不浊，入口带点点咸味，等大片牛油慢慢溶入汤中，拌匀后再呷一口，口感更加幼滑咸香，亦无肥腻感。所以，食完碗面，我都饮晒成碗拉面汤，以示对师傅心机嘅尊重。至于面条，同样做得弹牙无失准，足证明无论面厂嘅来货，抑或师傅渌面嘅手势，都保持水准十足无闪失。叉烧同样有两大片，不过配料就跟上面味噌拉面唔一样，少咗粟米粒，但整体份量依然十足，一样咁出色好食。
烧鲭鱼定食 $85 太太特别钟情于日本嘅烧鱼，烧三文鱼、烧银雪鱼……等等，见有烧鲭鱼定食，佢谂都唔使谂就拣定。一份烧鲭鱼定食，已包括味噌汤、一小碟腌物、一小碟煮物及一大碗白饭。腌物同煮物卖相都好普通，有啲行货嘅感觉，以一贯日本人做事嘅认真及精益求精，我就觉得依两样嘢唔合格喇。反观条鲭鱼，卖相就好好多，上枱已闻到烧鱼香，不过，唔好睇相以为系原条烧，其实得半边，但已去咗鱼骨，所以食起上嚟都好方便嘅，只系略嫌份量少咗啲。虽然只系简单嘅盐烧，都已好好食，鱼皮香脆带点咸香；肉质较结实，但鱼味浓得嚟唔腥；鱼油OK，挤啲柠汁，醮少少白萝卜蓉嚟食，多份清甜清爽嘅感觉。饭粒圆润有米香，少许黏糯带湿润，米粒亦恰如其分有质素哩！
张贴
