康瑞涼茶 (已結業)

由于晚餐食完点心，决定再战糖水，黎到附近呢间康瑞，但系太耐无黎食呢个糖水，去到旧甫先发现原来搬左地址，都揾左十五分钟，终于黎到新甫位置。点左两个糖水share，一个系特式仙草百配，另一个系香滑腐竹莲子糖水加配料。特式仙草百配，友人话每次食呢个糖水都要叫呢个，呢个好似系招牌，话明系百配，佢真系样样都有足料，系真系几好味，口感好正，绝对系食完晚餐再黎都食得落。本人就食亲中式糖水都会点腐竹鸡蛋糖水，呢到呢个香滑腐竹莲子糖水你可以选择加芋圆、地瓜圆、小丸子或者加蛋，平时次次都有蛋，今次决定选芋圆、地瓜圆同小丸子(就算加埋蛋都只系加$5)。对我黎讲好新奇，黎到果阵好惊喜，估唔到会有蛋花，冻糖水加蛋花系超级好味，再加上佢既配料简值不得了，芋圆、地瓜圆同小丸子全部都比得上台湾既 级数，所以好快就食哂成个糖水，呢个价钱呢个水准，绝对会返黎再食！