影片
更多
2007-08-09
5 浏览
我住佢同一条街, 由水街旁的细舖搬东南旁的中舖, 再依家搬埋去对面大舖, 地方大左好多, 仲有间房.今晚挂左一号风球, 扰攘紧挂三号风球之际, 返到屋企又唔想煮面食, 落街觅食, 水街间饮冰室上次食过麻麻地, 又唔想去味之味咁寡, 又唔想去东南, 鸿兴又收得早, 就去左BBQ.由于一个人加上平日, 坐吧台很快就有位, 今次点了西冷牛扒($10), 烧猪颈肉($18), 肠仔两条($2一条), 烧秋刀鱼($18), 牛扒其实在早期间细舖个年代只属一般之作, 当年系比较靱的, 但依家再食到的, 已经冇左当年唔好食的影子, 反之好入味同好淋, 食落口完全唔驶用牙去「撕」开佢, 几好; 烧猪颈肉今次第一次叫, 果然冇叫错, 几好味, 虽然细份了少少; 肠仔唔好以为好普通, 事实上大家烧过野食都知, 肠仔要烧唔难, 但就好难烧得靓, 不过佢地真系烧得好靓, 唔会烧到黑晒, 刚刚好的; 秋刀鱼的鱼味好够, 虽然等耐少少, 但值得.临走前, 叫左支金银菊($15), 据知凉茶及粥都系老板娘自家制的, 有次饮过参蜜($15)都几好, 今次试第二样, 结果都唔错, 食完热气野饮番支冰冻凉茶, 又凉番晒.
今晚挂左一号风球, 扰攘紧挂三号风球之际, 返到屋企又唔想煮面食, 落街觅食, 水街间饮冰室上次食过麻麻地, 又唔想去味之味咁寡, 又唔想去东南, 鸿兴又收得早, 就去左BBQ.
由于一个人加上平日, 坐吧台很快就有位, 今次点了西冷牛扒($10), 烧猪颈肉($18), 肠仔两条($2一条), 烧秋刀鱼($18), 牛扒其实在早期间细舖个年代只属一般之作, 当年系比较靱的, 但依家再食到的, 已经冇左当年唔好食的影子, 反之好入味同好淋, 食落口完全唔驶用牙去「撕」开佢, 几好; 烧猪颈肉今次第一次叫, 果然冇叫错, 几好味, 虽然细份了少少; 肠仔唔好以为好普通, 事实上大家烧过野食都知, 肠仔要烧唔难, 但就好难烧得靓, 不过佢地真系烧得好靓, 唔会烧到黑晒, 刚刚好的; 秋刀鱼的鱼味好够, 虽然等耐少少, 但值得.
临走前, 叫左支金银菊($15), 据知凉茶及粥都系老板娘自家制的, 有次饮过参蜜($15)都几好, 今次试第二样, 结果都唔错, 食完热气野饮番支冰冻凉茶, 又凉番晒.
见到有其他食客叫的烧扇贝等贝壳类食物个卖相都唔差, 但一个人冇可能吃得下, 故此暂时忍一下.
有时都会见到有些醉昏昏的食客到来帮衬, 不过都仍然算少数, 同埋人手都足够, 故此不用太担心.
出食物都好公道, 落单时伙计会写下时间, 先到先得, 非常公平, 由老板娘统一处理.
顺带一提, 此店旧店(142舖)的酒牌系有条件的, 条件系晚上十一点半(如我没记错, 有错请指正)之后不能再出售/饮用酒精类饮品, 而新店系冇酒牌的.
为左佢的菜干猪骨粥同埋佢的烧贝壳类食物, 我一定会再去的.
最后埋单$65, 抱住个肚返上楼.
张贴
