秋櫻屋 (已結業)

以前有食过半山既秋樱屋，完全系小店格局，而且pancake都真系好raw, homemade既感觉，唔知几时搬左去康怡，经过就去试下。东区既人可能惯左早食饭，未够7点都已经要等位，等左都超过半粒钟先有台，不过都好好，繁忙时间2个人都比张4人台我，打开个menu，同以前半山果间果本唔同晒，多左饭/意粉，但就无左以前抵食夹大食果个蛋包饭餐。由于妈妈好细食，我地叫左个咸pancake同个沙律就够，先上个鸡肉凯萨沙律，份量都几大份，无乜特别，但d鸡肉唔系白烚，无甘鞋烚烚。跟住上个三文鱼牛油果pancake，以前好似有三块架㖞？用左伴碟沙律换左第三块😐！？再试下块pancake同以前有乜唔同，都一样松软，但好似细块左少少，整体都系以前既味道⋯⋯不过觉得似pokka 既感觉，同埋最失望系无左蛋包饭餐食，都系挂住以前山上小店既感觉。