左麟右李粥麵小菜專門店 (已結業)

由于早几日睇娱乐新闻报导校长同克勤为他们嘅「左麟右李」新店剪彩，知道铜锣湾店搬迁咗，所以今晚我们去咗食晚饭！我们叫咗七彩子姜皮蛋冻系用剁碎咗嘅子姜同切开一半嘅皮蛋雪冻成啫喱，层次感非常丰富！虾籽鲜虾云吞面嘅面质非常爽口弹牙，而且相当幼身，云吞嘅皮超嫩滑薄身，虾肉好鲜味弹牙！克勤厚切豚肉叉烧嘅肉质超级松软嫩滑，厚切令到口感更加丰富，味道好香甜！系本人嘅必食推介！荔湾艇仔粥同田鸡滑鸡粥嘅粥底煲得好绵，材料相当足料，田鸡嘅肉质非常鲜味弹牙，滑鸡嘅肉质好嫩滑！四式肠粉皇系用四款唔同嘅馅料组合而成，肠粉极之晶莹软滑，可以清晰睇到入面嘅馅料，明虾好爽甜弹牙，带子好鲜味爽滑，牛肉好鲜嫩，叉烧好香甜松化！秘制卤水掌翼系咁啱有人客预订咗一份，但无嚟到，所以我们叫咗嚟食，外皮好爽滑，肉质好鲜嫩，配上秘制嘅卤水汁，令到味道更加滋味，而且唔会有好油腻嘅感觉！而伴碟嘅摆设系几个心形啫喱，真系好有心思！好甜品：自制脆麻花炸得非常金黄酥脆，配埋香甜嘅蜜糖一齐食，真系好好味！