駿景軒

营业中

休息中

同大肥爸爸上星期揸车时，发现原本喺跑马地o既「英皇骏景酒店」经已成功迁往湾仔，连酒店中菜厅「骏景轩」都正式启埋业，周日即约埋家人一围去饮茶，实行去八一八。步入大堂已觉酒店比从前光鲜有气派，加上面前一棵大而鲜美亮丽o既圣诞树，望落劲醒神。餐店占用面积两层，随咗可以乘坐升降机上落，堂内亦有宽阔o既楼梯通往「骏景轩」。可能新店用多咗玻璃窗，透出o既天然阳光令室内更显雅致大方，餐桌椅櫈又雪白洁净，环境卫生绝对升哂呢。服务生班底冇变，上下齐心o既态度仍然诚恳友善，只系大家o既服装年轻化咗，新装意外地同时令场内o既气氛冇咁拘谨。骤眼睇，点心纸上o既菜式同旧舖大至上都差唔多，只系价钱略有提高。细问下，得知茗茶每位$24，另设加一服务费。新张期间，每枱客人都可免费享用一客「招牌口水鸡」。口水鸡（免费赠送）：相信楼面伙计早已习惯有辣得同唔辣得两种食客，所以鸡品o既口水汁为另上。未点汁o既白切鸡幼嫩白滑。个人唔系咁辣得，不过小姪儿就大赞个口水汁辣得黎又香又浓，比普通辣油「有个性」，形容得极之生动，故细佬亦好想喺度同大家分享。担担面（$48）：小姪儿嗜辣，埋位即应XO爸B极力推荐，点咗碗镇店「担担面」黎食。