公車泰國餐廳

营业中

休息中

我同我老公都好钟意食海鲜，同事介绍我哋去元朗嘅公车泰国餐厅食，同事话佢哋嘅海鲜好好食，仲好有泰国风味，钟意食海鲜同泰国菜嘅我哋就决定今日下午去试吓。餐厅入面嘅装潢好有泰国风格，好似自己身处泰国食午餐，餐厅入面香味四溢，激起咗我哋嘅食欲。我哋分别叫咗三种唔同嘅海鲜，每种海鲜都非常好食，推荐俾大家。🩷泰式生虾虾仲保持住冰冻嘅状态，非常新鲜。配埋佢哋餐厅嘅特制酱料，非常开胃，味道口感都更上一层楼。酸辣嘅酱汁同鲜嫩嘅虾肉，十分满意。🩷泰式盐烧乌头鱼成条乌头鱼香味扑鼻，外皮酥脆，鱼肉鲜嫩多汁，仲有少少焦香味，配料令成条乌头鱼嘅味道更加丰富，酸甜可口仲带有咸味，非常好食。🩷蒜爆鲜海虾好有泰国风味嘅一道菜，海虾嘅口感非常嫩滑，好有嚼劲，食落去仲散发住浓郁嘅蒜味，辣味十足，但又唔会太辣，真系好好味。