上勝日本料理 (億利工業中心) (已結業)

今日同老婆去荔枝角 D2 Place 行街，行到肚饿就见到呢间日本料理，就入去试下啦~三文鱼牛油果沙律，佢个造型真系不得了,一上枱我老婆即刻"哗"咗一声。先试食上面脆脆嘅面条，再试下面爽脆嘅柚子醋生菜，嘅味道好开胃。主角三文鱼份量都唔少，亦都好鲜味，牛油果非常绵滑，两样配埋 washabi 豉油真系好满足~海胆松叶蟹肉丼，蟹肉非常鲜甜，海胆甜得嚟好甘，味道充斥住整个口腔，超好味！再加上爽脆嘅青瓜，脆卜卜嘅蟹子配埋寿司醋饭，真系一流！浦烧厚鳗鱼，厚厚嘅鳗鱼配上烧汁，鳗鱼有少少爽口，虽然我个人比较钟意食"林"嘅鳗鱼，但系呢个我都觉得好好味，每一口都充斥住鳗鱼的香味，正~一口和牛(盐烧)，松化嘅牛肉，加上浓浓牛肉味，好味！日本芝士蛋糕，非常浓厚嘅芝士味，上层好似烧过，有一层薄薄嘅脆皮，呢个绝对系老婆嘅最爱~巨峰乳酸梳打，呢个一向系我哋嘅最爱，巨峰加乳酸梳打嘅味道真系令人难以抗拒！提子味波子汽水，日本汽水果然系唔同啲，提子味好香浓，超好饮~下次要再试埋佢其他嘅丼饭，食到咁饱真系要散完步先返屋企。