影片
更多
2017-02-06
1858 浏览
收工仲谂紧去边度食饭，我既好姊妹就打电话约我。佢话上网见到间餐厅好似唔错，咁我地就抱住一试既决心去试下。订左七点，挂住行街七点半先到。好彩果晚唔多人，得三枱，可能系星期一既关系啦。餐厅既位置唔难揾，一出地铁站行两步就到，系一个商埸二楼，商埸名唔记得左，如果唔系食饭都唔会去。去到餐厅门口就即刻有个男仔带我地坐抵，介绍完餐牌同几个招牌菜之后仲话比我地知有happy hour至八点，所有酒精饮品都买一送一，好适合我地呢种人，饮一杯又唔够，开一支又饮唔晒。睇餐牌既时候我留意下就围既环境，第一个感觉系好舒服，好有气氛，播住轻快既音乐令我好放松，员工好健谈，好似同朋友倾计完全冇隔膜唔会陌生。前菜就拣左佢地推介既avocado and crabmeat roll，主菜就系 seafood bouillabaisse同埋lobster tail pasta。由于太肚饿既关系，前菜同pasta唔记得影相。牛油果好新鲜，加埋啲蟹肉好开胃。Lobster tail pasta 龙虾好弹牙，啲面好有口感。最后个Seafood bouillabaisse 无论卖相定味道都系100分，佢地用一个好靓既煲装住海鲜同
餐厅既位置唔难揾，一出地铁站行两步就到，系一个商埸二楼，商埸名唔记得左，如果唔系食饭都唔会去。去到餐厅门口就即刻有个男仔带我地坐抵，介绍完餐牌同几个招牌菜之后仲话比我地知有happy hour至八点，所有酒精饮品都买一送一，好适合我地呢种人，饮一杯又唔够，开一支又饮唔晒。
睇餐牌既时候我留意下就围既环境，第一个感觉系好舒服，好有气氛，播住轻快既音乐令我好放松，员工好健谈，好似同朋友倾计完全冇隔膜唔会陌生。
前菜就拣左佢地推介既avocado and crabmeat roll，主菜就系 seafood bouillabaisse同埋lobster tail pasta。
由于太肚饿既关系，前菜同pasta唔记得影相。牛油果好新鲜，加埋啲蟹肉好开胃。
Lobster tail pasta 龙虾好弹牙，啲面好有口感。
最后个Seafood bouillabaisse 无论卖相定味道都系100分，佢地用一个好靓既煲装住海鲜同汤，卖相好似一人火锅，印象非常深刻，啲汤好浓郁又唔会咸，果然冇介绍错。
总之Urban Park既食物，环境同服务都令我相当满意，价钱方面以中上环区黎比较都好合理，一定会再返转头帮衬。
今次系小妹第一次打食评，打得唔好请多多包涵。
slow-poached seafood bouillabaisse
$249
50 浏览
1 赞好
0 留言
张贴
