影片
更多
2021-05-27
2060 浏览
PMQ附近间享慢煮意我食过好几次，早前得悉佢喺西环尾开咗间姊妹店🇹🇭「享慢泰煮」。我想帮衬好耐㗎喇😛，呢日终于约到朋友一齐去食。幸好我哋收得早，七点钟就到达餐厅，𠮶刻都已经有人食紧，之后一直有人入座，未到八点经已全场爆满，人气超高👏！我哋用App订位，如果单点菜式可享折扣优惠，但睇落好似都系晚餐抵食啲🍽。呢度嘅晚餐几好，弹性高，可以自行拣选食几多道菜，而每道菜之间就相差$50。冬荫龙虾汤流心牛角包，🥐我对流心牛角包并唔陌生，而今次流心嘅馅系富有泰国风味嘅冬荫功汤，辣辣哋几惹味🤤。由于够热同即刻食，所以汤汁系可以做到流心嘅效果，并唔会索晒落个包度。我个人钟意佢仲多过法式龙虾汤，搞到我有啲冲动想追加个汤添。龙虾凤梨沙律，🥗沙律菜新鲜，口味独特，估计加咗啲蜜糖芥茉酱，配合埋菠萝粒，甜甜的味道令人忘记系食紧草，讲笑啫🤣。菜名所指嘅龙虾其实系小龙虾肉🦞，当中混入咗蟹籽同沙律酱，无论口感定味道都令人回味。龙虾汁蟹肉伊面(+$28)，我非常钟意呢道Fusion菜式，皆因佢用上中式伊面做面底，伊面比起意粉更为挂汁🍝！蟹籽龙虾汁咸香浓郁，但并唔会重口味，仲同𩠌料夹到不得了。🦀蟹肉海量咁多，我真系未见过一
PMQ附近间享慢煮意我食过好几次，早前得悉佢喺西环尾开咗间姊妹店🇹🇭「享慢泰煮」。我想帮衬好耐㗎喇😛，呢日终于约到朋友一齐去食。
幸好我哋收得早，七点钟就到达餐厅，𠮶刻都已经有人食紧，之后一直有人入座，未到八点经已全场爆满，人气超高👏！
我哋用App订位，如果单点菜式可享折扣优惠，但睇落好似都系晚餐抵食啲🍽。呢度嘅晚餐几好，弹性高，可以自行拣选食几多道菜，而每道菜之间就相差$50。
冬荫龙虾汤流心牛角包
45 浏览
0 赞好
0 留言
龙虾凤梨沙律
51 浏览
0 赞好
0 留言
龙虾汁蟹肉伊面
36 浏览
0 赞好
0 留言
龙虾汁蟹肉伊面(+$28)，我非常钟意呢道Fusion菜式，皆因佢用上中式伊面做面底，伊面比起意粉更为挂汁🍝！蟹籽龙虾汁咸香浓郁，但并唔会重口味，仲同𩠌料夹到不得了。🦀蟹肉海量咁多，我真系未见过一碟面上面有咁多啰，就算假蟹柳都冇啦，而且餐厅将蟹肉处理得好好，一啲蟹壳都冇留低😉。另一边厢，客人可以选择加$68要半边龙虾，不过我认为唔加都已经好正，但价钱唔贵，都可以考虑吓。
招牌西班牙黑毛猪腩配黑毛猪颈
39 浏览
0 赞好
0 留言
招牌西班牙黑毛猪腩配黑毛猪颈，🐷猪，全部都系猪，一次过有齐猪腩肉同猪颈肉，满足两个愿望。猪腩好邪恶😈，瘦肉连埋肥膏一齐食，口感层次丰富，软绵嘅脂肪入口即溶，令人又爱又恨；唯一略嫌猪皮唔够脆。猪颈肉则好大块，唔干身，仲好重香茅味添。配菜方面，🎃南瓜蓉香甜不腻，份量又够多；另外仲有紫椰菜沙律、粟米笋同秋葵，色彩缤纷，好睇又好食。
官燕椰子炖蛋白伴北海道红豆
22 浏览
0 赞好
0 留言
椰子雪糕配风干凤梨及紫糯米
19 浏览
0 赞好
0 留言
饮品方面🥤，除咗水之外，全部项目都要加钱，但定价都算合理，而且选择繁多，有特饮同酒等。我哋就嗌咗果汁(+$10)，分别系苹果姜汁同有气红提子汁，估唔到连饮品都好有诚意。🍎苹果汁加咗姜，饮落真系会辣喉；而提子汁就并唔系用巨峰糖浆冲𠮶啲，反而有啲似红酒，但冇酒精🍇。
题外话，呢度嘅环境同服务都能为餐厅加分👍。店员们态度和蔼有礼，服务积极，并会留意客人用餐嘅速度，从而合时地上菜同收碟。环境方面，装修几靓，用上唔少植物同吊灯作摆设🪴，而且仲有个大玻璃窗添。即使餐枱密度几高，但仍留有一定空间，客人坐得舒服。
总括嚟讲，我对呢餐晚餐超满意，基本上揾唔到任何一个扣分位💯。食嘅时候，我会觉得份量好似争少少，特别系猪𠮶碟，但食完成餐又OK㖞，到瞓时都唔饿。综合上述各点，😋再加上带有泰式风味嘅食物更啱我胃口，下次帮衬我会想嚟西环店多啲呢😛。推介🌟！
张贴
