alfafa (康怡廣場北座)

营业中

休息中

喺康怡太古揾食，真系愈来愈难，好多食肆都走高档路线。原本想去食翔龙点知开唔到3年就关门大吉，明明生意不俗都要比业主赶走。见到呢间门口个餐牌几吸引，又唔洗等位，即刻入去坐。拣左2个餐，1个跟沙律，1个跟汤。忌廉汤中规中矩，个包外貌普通，但好好食，外脆内软，简直想食多个。我仲谂住食完买返几个走，但望下厨窗唔见有面包售卖。芝士野菌鸡肉扁意粉，焗得好香，个汁几好味，但就好少鸡肉。鸡扒香草酱炒意粉，块鸡扒好大，个炒意粉好香，呢个套餐仲有饮品同甜品送。总括黎讲，味道不俗，份量都算正常，环境都坐得好舒适，食满150蚊仲有餐劵送返下次再食。