民園麵家 (已結業)

早几星期好友食家"乜都放入窿"趁住喺港岛呢个环头开工, 于是就相约师傅放监后一同去老兰饮杯约, 师傅当然欣然应约啦! 但摸酒杯底之前都要医肚架, 加上师傅又唔知呢头有咩好食, 好彩好友食家"乜都放入窿"曾经守过呢个环头, 于是就带师傅四围揾野食!师傅就唔算好肚饿, 所以食咩都冇咩所谓, 又上山又落斜, 终于行到黎呢间食店, 师傅真系大乡里出城, 皆因从来都未听过呢间食店, 好彩好友食家"乜都放入窿"就识窿路, 所以就决定黎呢度食餐晚饭!入到去地方都几细, 真系一眼见晒, 坐底后即刻睇下有咩好食啦, 最后师傅就柯打左碗云吞面, 而好友食家"乜都放入窿"就柯打左个豉油王牛筋水饺捞面, 再加左碟油菜, 另外饮品就两杯!等左一阵就有得食, 师傅先讲下碗云吞面, 云吞面一碗有五粒云吞, 汤底都几清几好味, 而面质都几爽口弹牙, 真系一绝, 不过有少少碱水味, 如果冇埋仲好, 而云吞就皮够薄, 馅料就算足, 虾身够爽口, 真系唔错; 而师傅亦有试左少少牛筋, 牛筋真系好腍好入味, 口感唔错, 颇佳; 而油菜就拣左菜心, 菜心卖相非常之靓, 入口一试发觉好嫩好甜, 加上灼得好腍, 好好味呀!总括黎讲