大囍麵家

营业中

休息中

本身晚餐嗌个外卖自取，紫菜墨丸米一碗，点知返到去打开，变咗云吞米粉，睇咗原来落错单，但系佢系有紫菜嘅单，打电话落去通知佢哋，有个乡音即阿姐听电话，我同佢讲你哋落错单㖞，佢哋叫我要拎返去俾佢哋换，我话今晚冇可能落到黎，佢哋就话咁样冇得换㗎㖞。错单漏经常有，佢哋系唔会送返俾我嘅，叫我唔好食碗米粉，听日攞返落去俾佢，咁我话连紫菜你都冇俾系咪应该要俾返我呢？或者退返钱俾我呢？跟住后面就有一个男人把声就喺度讲粗口，叫我唔* 好食攞！其实好老实讲，我都明白错漏单唔出奇，问题系个态度，唔系第一时间去解决问题，而系推喺个客人身上，如果你话唔好意思，如果你真系唔方便落嚟，不如食咗碗嘢先，听日落嚟退返紫菜嘅钱俾你，我真系冇问题，而唔系要个消费者去就晒间舖头。好老实你哋做错嘢有乜嘢要理由要用我嘅时间嚟填店舖嘅错误呢？