影片
更多
2008-04-11
168 浏览
想讲个揾笨实录比大家知，等唔好再有人上当！ 我地一行７人，响上个星期日去左西贡东丫村ge海胆养殖场(天后庙隔离)，一心谂住食新鲜海胆剌身，点知．．．．． 下昼两点几到，唔算多客，问个伙计十样野，九样唔知，不过都有礼貌ge，佢叫左一个应该系厨师ge物体出黎介绍菜式，佢话天气热，食海胆剌身唔适合㖞，叫我地用黎炒饭或者蒸蛋啦！再睇睇个餐牌，得好少野拣，佢就介绍我地食套餐，不过又一定要10人份量（佢每个人头计，得$160 / $188 / $230拣），我地得７个人，点叫呀？！玩野咩．．．咪散叫啰，恶梦就咁开始喇．．． 我地order左：１）白灼跳螺２）白切鸡半只３）椒盐鲜鱿４）蒜泥白菜５）扬州炒饭６）蒸石蚌一条７）清蒸盲蟹（呢款系伙计推介招牌菜）８）海胆蒸蛋 好，续一评价比大家知！ １）白灼跳螺 （好细只，一睇就知系BB，好细碟，BB都食，唔怪得买少见少啦．．．$100）２）白切鸡半只（只鸡应该骨折而死，碎湿湿，ｄ肉梅架．．．$100)３）椒盐鲜鱿 （成碟野竟然无一块鲜鱿肉，全部都系鱿鱼苏碎．．．$80）４）蒜泥白菜 （ｄ菜老过邵爵士，黄晒有渣，好似菜档掉出黎果ｄ咁．．．$40)５）扬州炒饭
我地一行７人，响上个星期日去左西贡东丫村ge海胆养殖场(天后庙隔离)，一心谂住食新鲜海胆剌身，点知．．．．．
下昼两点几到，唔算多客，问个伙计十样野，九样唔知，不过都有礼貌ge，佢叫左一个应该系厨师ge物体出黎介绍菜式，佢话天气热，食海胆剌身唔适合㖞，叫我地用黎炒饭或者蒸蛋啦！再睇睇个餐牌，得好少野拣，佢就介绍我地食套餐，不过又一定要10人份量（佢每个人头计，得$160 / $188 / $230拣），我地得７个人，点叫呀？！玩野咩．．．咪散叫啰，恶梦就咁开始喇．．．
我地order左：
１）白灼跳螺
２）白切鸡半只
３）椒盐鲜鱿
４）蒜泥白菜
５）扬州炒饭
６）蒸石蚌一条
７）清蒸盲蟹（呢款系伙计推介招牌菜）
８）海胆蒸蛋
好，续一评价比大家知！
１）白灼跳螺 （好细只，一睇就知系BB，好细碟，BB都食，唔怪得买少见少啦．．．$100）
２）白切鸡半只（只鸡应该骨折而死，碎湿湿，ｄ肉梅架．．．$100)
３）椒盐鲜鱿 （成碟野竟然无一块鲜鱿肉，全部都系鱿鱼苏碎．．．$80）
４）蒜泥白菜 （ｄ菜老过邵爵士，黄晒有渣，好似菜档掉出黎果ｄ咁．．．$40)
５）扬州炒饭 （个样似ok，不过一食，ｄ饭好硬，有胃病人任勿试．．．$40)
６）蒸石蚌一条（海鲜档，居然蒸鱼唔熟，不知所谓．．．$150)
７）清蒸盲蟹 （伙计推介招牌菜，上枱果阵真系想讲粗口，竟然有咁细的蟹，可以用匙羹载住，劲离谱！个伙计放低的时候，好明显露出尴尬神色，但仲要死撑话ｄ蟹脚好好肉架．．．哗，大家当堂O晒咀啦．．．$80）
８）海胆蒸蛋 （贵到无伦，痴线．．．$180)
原本开开心心，高高兴兴，谂住行完山食海鲜，贵就预左，但无谂过咁唔抵食，直头骗案一宗！
奉劝各方友好，切勿帮衬西贡东丫村ge海胆养殖场，咁做生意法，不知所谓！！！
张贴
