The Story Cafe and Bakery

营业中

休息中

今日约咗友人喺青衣城食饭 大家呢排都手紧 于是揾间平平地嘅餐厅食晚饭 见到呢间餐厅做紧第二份餐半价就入咗去食😂两份餐都配有餐汤 系意大利杂菜汤 味道偏咸 但都算多料 有几旧红萝卜 又有芹菜 都食到有番茄嘅🍅 反而辣味就冇乜 亦都饮唔到蔬菜嘅鲜甜 饮咗一半就冇饮黑松露牛肝菌宽面 卖相都唔错 骤眼望落几多黑松露 食落就冇乜黑松露味 呢种宽面冇乜用cream整嘅 所以冇平日食意粉咁creamy咁 但个面都几有咬口 而且有好多菇系入面 但都有同样嘅问题 就系味道偏咸☹️ 唔知系咪挂住倾计 食得比较慢 个宽面比较杰 痴埋晒一齐咁 白汁粟米吉列鱼柳饭 🐟好普通嘅一碟碟头饭 略嫌唔系好够热 配菜就几好食 有好多唔同嘅瓜菜 几有诚意餐饮就嗌咗热奶茶 同埋加咗三蚊嘅冻柠茶🍋 总括而言 系一餐普通嘅平价西餐 所以野食都味道偏咸 想揾个地方坐吓都可以考虑 但唔好对食物质素有太大期望 肯定会失望🙍🏻‍♂️