影片
更多
2023-05-05
1770 浏览
同啲旧同事走一转西、上、中环，来一趟本地游，因为「HKWalls」推出咗一批新大型壁画，专诚去打打卡，此外顺道带佢哋行埋「元创方」、「大馆」、「中环街市」，仲坐埋摩天轮添。因为唔知要行几耐，打卡打几耐，所以一起手就打算行到边食到边。接近中午时间，逛到「歌赋街」一头，有好几间心水嘅日本餐厅都排长龙，所以，好随意拣咗呢一间「拉面食堂蔵」。 餐厅里面地方细细，装修一片和风拉面店咁，但枱櫈都排得好密，感觉空间几逼狭。而当期时见到里面有唔少客，一心谂住几稳阵，结果喺伏伏地，其实食物方面算喺不过不失，伏位喺过「环境」。我哋一行五个人，室内位啱啱坐满，所以被安排 「伪室外位」，其实喺餐厅尾嘅「后巷位」，初时坐低唔觉，但坐落就闻到久唔久有阵阵异味，随风送上，原来对下嘅公园（九如坊儿童游乐场）内有个公厕，加上呢个后巷位另一边有啲整幢大厦嘅去水渠，亦有少少气味。不过落咗单，加上朋友行得有点攰，否则会转场。仲有，坐时顶住膝头，又无地方摆袋，个人嚟讲，就觉得呢度喺完全唔适合招呼人客。餐具、餐纸、少少调味料放喺枱上面，当中有朋友都好讲卫生，所以，餐具都帮佢完全消毒，唔抹都唔知张枱其实几污糟。等候上菜期间，无意中
餐厅里面地方细细，装修一片和风拉面店咁，但枱櫈都排得好密，感觉空间几逼狭。而当期时见到里面有唔少客，一心谂住几稳阵，结果喺伏伏地，其实食物方面算喺不过不失，伏位喺过「环境」。
我哋一行五个人，室内位啱啱坐满，所以被安排 「伪室外位」，其实喺餐厅尾嘅「后巷位」，初时坐低唔觉，但坐落就闻到久唔久有阵阵异味，随风送上，原来对下嘅公园（九如坊儿童游乐场）内有个公厕，加上呢个后巷位另一边有啲整幢大厦嘅去水渠，亦有少少气味。不过落咗单，加上朋友行得有点攰，否则会转场。仲有，坐时顶住膝头，又无地方摆袋，个人嚟讲，就觉得呢度喺完全唔适合招呼人客。
餐具、餐纸、少少调味料放喺枱上面，当中有朋友都好讲卫生，所以，餐具都帮佢完全消毒，唔抹都唔知张枱其实几污糟。等候上菜期间，无意中睇到枱上嘅胡椒粉，都喺用啲平价货，点知道喺平价货？下次你去超市睇睇啲胡椒粉就知，靓嘢后面嘅成分只会写住得胡椒，绝对唔会有其他成分，而平价货就会加其他成分，例如米粉。
午市嚟到，照样有好多散点菜色，不过，我哋当然睇返一系列定食同埋拉面，选择非常之多。由于坐咗晌出面，唔方便影其他人嘅菜式，只系简单介绍咗以下两款。
味噌拉面 $88呢度嘅拉面算系有少少特色，亮点在于汤底，餐牌都标到明汤底喺鸡豚鱼介之三重奏汤，再加上味噌，汤底确喺浓郁鲜香，不过叉烧就唔喺一大片，而喺切成粒粒嘅叉烧，伴住一整只溏心蛋及大量野菜，叉烧都算松化，只蛋亦做到溏心效果，但面条食落好似有啲硬，未熟嘅感觉。
洋葱姜烧鹿儿岛豚西冷定食 $100小弟见佢话豚肉喺日本鹿儿岛县产，所以，试咗个星期五定食（是日套餐）。定食仲包埋味噌汁、胡麻沙律、渍物、麻婆豆腐、生果同白饭，睇落就好似好丰富，但睇埋张相，啲豆腐碎湿湿，件橙肉就一开八，俾人感觉喺几寒酸。讲到味道，味噌汁同啲沙律喺OK嘅，青瓜渍几开胃，但豆腐就偏辣，豚肉写明用上豚西冷，不过，就无想像之中咁松化，个人仲觉得有少少嚡。
呢度午市仲要收加一，但基本上可以讲唔系太多服务可言，因为晌呢个「后巷位」唔喺咁经常有侍应会主动走过嚟，如果坐出面大可能会好好多，总括而言，今次嘅用餐体验大家都觉得好差，老实讲，假日出嚟揾食都喺麻烦啲。
张贴
