庭園咖啡室 (裝修中)

同个fd见完面之后，想食个晚餐啦。但又唔想又一城食，因为价钱真系几贵，而且又要等位。灵机一触之下，醒起Cityu有间cafe。不过，当我行过学术交流大楼既门口，真系唔相信入面会有间cafe架。虽然系晚市，但人都唔算太多。而且仲有outdoor区域坐，都几舒服架。红酒汁烩牛肉其实份量俾我既感觉唔算太多，但食落又唔系咁。牛肉算系偏淋，但又食唔到有松肉粉既感觉。个汁既味小小似洋葱汁，红酒一都揾唔到。整体上个牛肉都几好食。而伴菜既薯条真系好食，因为系我钟意既扭纹薯条。此外，佢地系新鲜炸，所以真系好好食。真系惹味相当。当然，如果牛肉既份量可以多一点，咁就更理想啦。冻咖啡味道还不赖呀，咖啡味真系几重。而且杯野真系好够冻，唔算太甜。只系觉得细杯左小小。整体上都唔错，因为呢个价钱又一城真系无乜边间食得到。唔介意行远小小行过黎食个饭，都系一个唔错既选择。