影片
更多
2016-11-30
2455 浏览
唔觉唔觉，观塘无啦啦成为小弟揾食地区嘅热点，当然，始终唔及铜锣湾、尖沙咀依等热点，但数数，今年真喺多咗好多次入嚟观塘食饭，仲以工厦餐厅占绝大多添，工厦揾食亦成为好多人嘅揾食攻略。今晚同识食嘅友人嚟到卖意大利及西班牙菜嘅Mela，讲饮讲食之余，仲品尝到出色好手势嘅菜式。工厦餐厅越开越多，嚟揾食嘅人亦不少，好似今晚喺闲日，一样有7、8乘满。钟意嚟呢类餐厅食饭嘅人，都喺贪其地方大，阔落宽敞，就好似Mela咁，装修简约，大玩红白黑撞色，但空间感十足，光猛整洁，而且食材具质素得嚟定价较出面平，此外，都喺埋单先知，原来做紧8折，唔知喺咪咁样所以咁多客人。晌墙上见有个五道菜龙虾、鹅肝、牛扒套餐，只卖$198，实在非常吸引，可惜要预订。店员解释喺为咗保持龙虾质素，亦减少损耗，所以，设定咗依个套餐需要预定。翻阅餐牌，除有一个二人套餐，散点亦不愁无选择，头盘、汤、西班牙小食、意大利粉、意大利饭、主菜、甜品及饮品，分门别类。藜麦、苹果、红菜头、松子仁沙律配香橙油醋汁 $78藜麦、红菜头做沙律已唔喺咩新鲜事，但一样受欢迎，皆因两者都喺有「营」之物，多食无妨。再配以苹果、松子仁，可谓口感丰富，不过，食落应该唔止
工厦餐厅越开越多，嚟揾食嘅人亦不少，好似今晚喺闲日，一样有7、8乘满。钟意嚟呢类餐厅食饭嘅人，都喺贪其地方大，阔落宽敞，就好似Mela咁，装修简约，大玩红白黑撞色，但空间感十足，光猛整洁，而且食材具质素得嚟定价较出面平，此外，都喺埋单先知，原来做紧8折，唔知喺咪咁样所以咁多客人。
晌墙上见有个五道菜龙虾、鹅肝、牛扒套餐，只卖$198，实在非常吸引，可惜要预订。店员解释喺为咗保持龙虾质素，亦减少损耗，所以，设定咗依个套餐需要预定。
翻阅餐牌，除有一个二人套餐，散点亦不愁无选择，头盘、汤、西班牙小食、意大利粉、意大利饭、主菜、甜品及饮品，分门别类。
藜麦、苹果、红菜头、松子仁沙律配香橙油醋汁 $78藜麦、红菜头做沙律已唔喺咩新鲜事，但一样受欢迎，皆因两者都喺有「营」之物，多食无妨。再配以苹果、松子仁，可谓口感丰富，不过，食落应该唔止依啲，眼见有埋瓜子仁，食就觉得似喺仲加咗啲啤梨粒，因为腍身兼香甜啲；个香橙油醋汁亦调校得相当好，酸酸甜甜带微微橙香，好醒胃。
藜麦、苹果、红菜头、松子仁沙律配香橙油醋汁
21 浏览
1 赞好
0 留言
西班牙黑毛猪火腿、白菌、芝士炸薯球 $65讲笑咁讲，依道西班牙小食言过其实，因为点讲都唔喺薯「球」，喺薯「条」喔，哈哈！一客4件，每条都炸到金黄香脆，咬落热辣辣，绝不油腻，里面酿有黑毛猪火腿、白菌、莫沙里拉芝士，所以，咸香好食。
牛肝菌、野菌、黑松露、手制阔面配温泉蛋 $162主菜先嚟一道阔面，亮点喺自家手制，卖相好特别，因为唔喺平常所见嘅阔面，好似裁开半截嘅千层面皮，但入口估唔到好有咬口之余，又好有蛋香。配以牛肝菌、野菌、黑松露，所以，基本上好有菇菌香，虽然温泉蛋笃开先发现煮过火咗少少，幸而蛋浆未至凝回，再将蛋浆捣匀拌入阔面，添上一层滑溜感，确喺一道好有特色嘅自家制阔面。
牛肝菌、野菌、黑松露、手制阔面配温泉蛋
$162
8 浏览
0 赞好
0 留言
烧美国牛肋骨配烧蒜、红酒烧汁 $265好期待嘅主菜卒之上场，烧美国牛肋骨要上5乘熟，单喺上枱时嘅卖相、肉嘅色泽，已知好对办，烧嘅时间拿捏得非常好。仲有，几钟意佢个表达，几将肋骨肉切成小件，令卖相好睇，又方便客人「些牙」，但保留骨位俾你可以切下。
烧美国牛肋骨配烧蒜、红酒烧汁
$265
10 浏览
0 赞好
0 留言
咖啡 $26、蜜糖苹果醋汁 $32饱餐过后，大家点杯饮品，再慢慢详谈轶事。虽然店家无咩特色咖啡提供，但总比一啲餐厅明明唔喺咖啡店，又提供特色咖啡，却又半桶水冲得唔好，甚至只喺机冲，兼收你三、四十蚊杯。小弟杯咖啡就无太多嘢可言，但友人杯蜜糖苹果醋汁佢话又几特别，甜酸细致，感觉健康。
今晚所试嘅菜式好有心思，无论小食，还是主菜，均甚具特色。加上空间宽敞嘅环境，服务到位，朋友都大赞，喺值得再翻兜嘅工厦西餐厅。
张贴
