kitchen J (已結業)

星期日非常悠闲，想出去食饭但系又吾想去d人多挤逼既尖沙咀、旺角…仲有咩地拣呢………谂左一阵，不如去红磡黄埔揾食啦 果度真系好多选择中、西、意、法、日咩菜色都有我地今晚就拣左黄埔美食坊其中一间食肆“Kitchen J"。原本都有其他选择既，不过侍应姐姐话食二百减一百…又好似几抵㖞，哩间又未食过试下都ok 啦～幸好入去既时间都尚早，可以安排到卡位俾我地坐 而位置都好ok, 仲可以望到入厨房睇住d厨师整嘢食。我地果晚叫左个烟三文鱼沙律、鸡翼配薯条、pizza以及番茄焗饭。味道平均嚟讲几好味~烟三文鱼沙律 -- 都几新鲜配以甜酸汁, 真系好醒胃~鸡翼配薯条($38)-- 味道都吾错, 鸡翼炸得好香脆 上面仲洒左d 孜然粉 (可惜份量太少了, 一只鸡翼分开一半。一碟都系得两只,吾够喉)pizza -- pizza个饼底好薄身, 以为会好松脆...可惜口感不似预期, 有点硬又带点韧 好不容易才咬得开, 味道总算过得去。番茄焗饭 -- 没有惊喜, 份量迷你 味道尚可。