找餐時間 (已結業)

原本打算去食【啊元来了】，但点知道原来星期一佢居然系休息日，咁就只好系附近睇下有咩好野可以试下啦⊙ω⊙见到侧边有间小店好似都几唔错，就入场试一试啦。呢间【找餐时间】主打cafe类型既菜食，亦都有各种日本既小食，同埋好有特色既甜品，见到唔少少女都帮紧佢打卡~=~因为天气关系，我同女朋友就叫左两个鸡扒冷面啦，一个配芝麻酱；另一个就夹广岛酱。冷面只要个酱好食，就有一番咁上下水准，冷面够弹牙，而且配上芝麻酱，特吃好食。鸡扒分量足够，而且肉质都嫩口，唔错。云蛋多见到佢好似主打呢间叫云蛋多既甜品，就即管试下啦。原来又真系一款打卡必备既甜品，蛋香好似一朵朵白云咁样，中间既蛋黄就好似太阳一样，切开蛋黄后有流心既效果，沾上蜜糖一齐食，层次相当丰富。广岛风玉子烧玉子烧上撒满一层既虾子，味觉咸咸的，玉子味道就相对比较清淡，配合一绝。