影片
更多
2022-01-02
2129 浏览
老友话揾到间隐世日式小店，揾埋我去试试，原来喺位于太子嘅「山系。本舍」。试啲未试过嘅餐厅，当然都几有兴趣，所以，趁老婆返学嘅日子，一支公无饭开，两个麻甩佬就出嚟聚一聚，倾吓近况，兼呻吓呢样，呻吓𠮶样。隐世就唔算隐世喇，有时过到嚟界限街另一边都知有间日式小店，喺无留意叫咩名啫，之但喺，就肯定一家喺小店，拉门而入，店内环境一眼睇晒，约7个座位左右，1个师傅一脚踢，整体装修好有居酒屋嘅风格，全吧枱位，可以直接跟师傅交流。啲餐具都几靓㖞，瓦碗好雅致，但啲铁筷子就唔喺咁好揸，此外，中间嘅小型木托盆就唔喺好知有咩用途，无刻意问，我哋就当咗骨碟，不过，最后都无点用到。而枱上放有纸巾同水杯，人手所限，呢度就有少少需要自己招呼自己。食物方面，咪睇佢铺仔细细，其实有好多选择，由佐酒小食、烧物、串烧、炸物……到时令海鲜，有近50款食物。饮品又点呢？另一页餐牌，就见到提供好多酒精及非酒精类饮品，不过，都喺以酒精类的为多。手工樱花虾酱拌冻豆腐 $48先嚟一道师傅极力推介嘅冷盘，以日本直送嘅冻豆腐再加上自家制嘅樱花虾酱配搭而成，冻豆腐比较清淡，不过，口感非常嫩滑，而樱花虾酱带出阵阵咸鲜，咸香惹味，加上樱花虾嘅卜卜
隐世就唔算隐世喇，有时过到嚟界限街另一边都知有间日式小店，喺无留意叫咩名啫，之但喺，就肯定一家喺小店，拉门而入，店内环境一眼睇晒，约7个座位左右，1个师傅一脚踢，整体装修好有居酒屋嘅风格，全吧枱位，可以直接跟师傅交流。
啲餐具都几靓㖞，瓦碗好雅致，但啲铁筷子就唔喺咁好揸，此外，中间嘅小型木托盆就唔喺好知有咩用途，无刻意问，我哋就当咗骨碟，不过，最后都无点用到。而枱上放有纸巾同水杯，人手所限，呢度就有少少需要自己招呼自己。
食物方面，咪睇佢铺仔细细，其实有好多选择，由佐酒小食、烧物、串烧、炸物……到时令海鲜，有近50款食物。
饮品又点呢？另一页餐牌，就见到提供好多酒精及非酒精类饮品，不过，都喺以酒精类的为多。
手工樱花虾酱拌冻豆腐 $48先嚟一道师傅极力推介嘅冷盘，以日本直送嘅冻豆腐再加上自家制嘅樱花虾酱配搭而成，冻豆腐比较清淡，不过，口感非常嫩滑，而樱花虾酱带出阵阵咸鲜，咸香惹味，加上樱花虾嘅卜卜脆口感，一起放入口，又真喺几过瘾。
鱿鱼软骨沙律 $48鱿鱼相信大家食唔少啦，鱿鱼软骨呢？新鲜爽脆嘅沙律菜配上自家调制嘅沙律酱，本身都已经几好食，配搭埋啲鱿鱼软骨，烟烟韧韧好有咬口，几有新鲜感，比预期有惊喜。
鱿鱼软骨沙律
$48
5 浏览
0 赞好
0 留言
点咗两点鸡肾，单纯过过口瘾而已，不过，又烧得唔错，唔会干到柴咁，又有啲咬口，少少盐作调味，都已经够晒。
黑松露酱配炸薯条 $$68老友可以讲喺薯条控，所以，又点可以错过呢道菜呢！首先，喺薯条炸得香脆不腻，做足基本，而薯条之上，糁咗少少海苔粉，令食味更有特色，当然，自家制嘅黑松露酱，亦功不可没，调和得充满黑松露嘅香味，夹薯条，正呀喂。
和风高汤煮日本沙白蚬 $68小弟就喜欢食啲湿湿哋嘅嘢，所以，拣咗呢道沙白蚬，估唔到份量都几多，有一大碗沙白蚬，只只睇落都好饱满，入口都够肉地，最紧要喺够晒鲜甜；而所谓和风高汤，真喺无欺场，饮落清香而有阵阵甜味，值得推介。
和风高汤煮日本沙白蚬
$68
6 浏览
1 赞好
0 留言
师傅就话喺人气菜式之一，姑且信佢一次，查实，鲽鱼比较陌生，应该似喺未食过喇。一客有4件，每件都几大件吓，烧得外表焦香，老套一句都要讲，食落果然皮脆肉滑，又有鱼味，磪喺好有质素嘅食材嚟。
海胆流心忌廉饼 $78最后，意犹未尽，再追加一客忌廉饼，果然做到流心嘅效果，啲海胆流心忌廉馅好正，质感绵密又滑溜，咬落去𠮶吓一涌而出；至于件饼身，炸至金黄，入口热焫焫，又甘香脆口，最正喺无油腻感，可见炸功确有一手。
海胆流心忌廉饼
$78
10 浏览
0 赞好
0 留言
师傅忙于上菜，做个不停，都未有太多机会交流，但从各菜品中，都感受到师傅嘅心思同诚意，多谢友人嘅介绍，又食到餐好嘢。
张贴
