影片
更多
2022-11-05
2683 浏览
今日出到嚟尖沙咀近「天文台道」一边，有啲义务嘢要帮手，放饭时间只有30分钟，所以，一支公去「兰香」速食碗云吞面就算。 「兰香」都有好多年历史，喺一家几老派嘅粉面档（铺面写面家，但餐牌就加多茶餐厅几粒字），睇格局就知有番咁上下年日，卖嘅都喺传统嘢，嚟嘅都喺街坊或上年纪嘅人多。 晌铺面，贴咗啲艺人或杂志嘅专访，而佢哋嘅名物有鲜鸡肠、黑柏叶、冬菇。 其中一个主打粉面嘅餐牌，就有中英对照，真喺食面学英文，明显喺为咗啲游客，可惜，未通关，近来都见到唔少老铺结业，真唏嘘。 除粉面，仲有小食（粉面档式小食）、饭品、饮品……等等。 云吞粗面 $39相对其他区，呢度嘅粉面起表价喺$39，算喺贵少少，但一碗有水准嘅粉面，都值得啦！比起其他国家嘅粉面，如越南汤河、日本拉面、韩国水冷面……港式粉面其实喺快靓正架。讲番呢碗粗面，面质未喺好爽，但胜在无乜枧水味，啲云吞大大粒，里面喺原只鲜虾，又爽又甜，货真价实，汤头亦都鲜味，睇样都喺云吞面一碗，平平无奇，查实喺有内涵。 匆匆食完，匆匆闪，星期日嘅午市，人客比预期中少，希望老店挨得住，家下揾食艰难。
「兰香」都有好多年历史，喺一家几老派嘅粉面档（铺面写面家，但餐牌就加多茶餐厅几粒字），睇格局就知有番咁上下年日，卖嘅都喺传统嘢，嚟嘅都喺街坊或上年纪嘅人多。
晌铺面，贴咗啲艺人或杂志嘅专访，而佢哋嘅名物有鲜鸡肠、黑柏叶、冬菇。
其中一个主打粉面嘅餐牌，就有中英对照，真喺食面学英文，明显喺为咗啲游客，可惜，未通关，近来都见到唔少老铺结业，真唏嘘。
除粉面，仲有小食（粉面档式小食）、饭品、饮品……等等。
云吞粗面 $39相对其他区，呢度嘅粉面起表价喺$39，算喺贵少少，但一碗有水准嘅粉面，都值得啦！比起其他国家嘅粉面，如越南汤河、日本拉面、韩国水冷面……港式粉面其实喺快靓正架。讲番呢碗粗面，面质未喺好爽，但胜在无乜枧水味，啲云吞大大粒，里面喺原只鲜虾，又爽又甜，货真价实，汤头亦都鲜味，睇样都喺云吞面一碗，平平无奇，查实喺有内涵。
匆匆食完，匆匆闪，星期日嘅午市，人客比预期中少，希望老店挨得住，家下揾食艰难。
张贴
