香港地 (已結業)

Ben Sir要阔别香江转战荷兰两周，临行前紧系同佢食餐地道菜饯行啦。我地特意拣左美心集团旗下连锁式茶餐厅「香港地」，以慰佢思「香」之情。野食方面试左新登场的花胶竹笙素翅配榄菜蛋炒饭套餐（试食价$65），简直创造力量同幻想会吓你一跳，抵赞！竹笙砌成一圈圈爽口唔在讲，仲有港式碗仔翅唔少得的冬菇丝同埋黑木耳，轻松重温「鱼翅漱口」黄金岁月。再黎媲美「黑松露」的榄菜蛋炒饭，「鱼翅捞饭」香港梦立即垂手可得？虽然花胶素翅胶味十足，但创意无价值得推介！我就钟意地道中心名菜「菜远牛肉」客饭套餐（$66），先讲条菜心比较硬身，但系绝对咬得入，估计系厨师用快炒刻意经营出爽脆效果，唯独系细路仔同老人家未必够牙力食。牛肉应该有轻轻比梳打粉乸过，味道可以接受。尤其喜欢佢地砌成平行四边形的小姜片，真系姜愈老愈辣！港式茶餐厅配以现代化连锁店管理，令我地可以随时食到本土风味，值得同热爱这片土地的我与你一起去帮衬，下次再见！