影片
更多
2024-05-11
1725 浏览
上次同表哥食马拉嘢嘅时候，佢话佢屋企附近新开咗间火锅店「百味鲜」，有款二人套餐性价比几高，有个鸡锅，一份菜，再加份煲仔饭，三嚿水都唔使，值搏率高，所以，今晚又同佢聚一聚，嚟到「百味鲜」叹吓！一睇就知新开无耐，由门面，到内笼都非常新簇，一室以红色为主调，装修比较摩登，地方好光猛阔落，感觉唔错。我哋就拣个靠墙位，因为可以对住部大电视嘛！基本上我哋嘅目标明确，就喺「招牌二人套餐」（$288），有4款鸡锅同4款煲仔饭供选择，仲包埋一份时令蔬菜，此外，顺便都影埋成本餐牌及点菜纸俾大家参考，包括餐前小食、其他套餐，以及各式各样嘅火锅配料。坐落无耐，好似啲酒楼咁，上碟杂豆小食，都要收$15架。再嚟喺食火锅必备嘅酱料，侍应会先摆上一盘酱料俾大家捞，中途想再添嘅话，可以晌出面（正正大电视底下）有个自助酱料区，自由取用，提一提，酱芥收费每位$10。玉泉忌廉、可口可乐 @$13食火锅点可以无汽水架，尤其喺樽装，更有感觉。海南鸡椰子锅（套餐）随后，侍应就送上整煲椰子鸡锅及整碟鲜鸡，话半只鸡，但感觉好似唔止，而个汤底都未滚起，已经闻到阵阵椰子香味。睇番枱面嘅介绍，喺用咗海南椰子同放晌果园放养280日嘅走地鸡，为
一睇就知新开无耐，由门面，到内笼都非常新簇，一室以红色为主调，装修比较摩登，地方好光猛阔落，感觉唔错。我哋就拣个靠墙位，因为可以对住部大电视嘛！
基本上我哋嘅目标明确，就喺「招牌二人套餐」（$288），有4款鸡锅同4款煲仔饭供选择，仲包埋一份时令蔬菜，此外，顺便都影埋成本餐牌及点菜纸俾大家参考，包括餐前小食、其他套餐，以及各式各样嘅火锅配料。
坐落无耐，好似啲酒楼咁，上碟杂豆小食，都要收$15架。
再嚟喺食火锅必备嘅酱料，侍应会先摆上一盘酱料俾大家捞，中途想再添嘅话，可以晌出面（正正大电视底下）有个自助酱料区，自由取用，提一提，酱芥收费每位$10。
玉泉忌廉、可口可乐 @$13食火锅点可以无汽水架，尤其喺樽装，更有感觉。
海南鸡椰子锅（套餐）随后，侍应就送上整煲椰子鸡锅及整碟鲜鸡，话半只鸡，但感觉好似唔止，而个汤底都未滚起，已经闻到阵阵椰子香味。睇番枱面嘅介绍，喺用咗海南椰子同放晌果园放养280日嘅走地鸡，为咗食到最正嘅鲜鸡，仲教埋你点食法。
先饮咗啖汤，真喺劲清甜，之后按指引落鸡，滚5min后熄火食鸡先，此时啲鸡真喺几嫩滑，仲好有鸡嘅甜味，皮下脂肪极少，足证喺走地鸡喔，沾上自制嘅混酱，更加有提鲜之效，我哋异口同声都觉得唔止半只鸡，好似食极都有咁。
黑豚肉拼肩胛肥牛 $98我哋都几钟意食肉，既然有个椰子鸡锅，就叫多一客黑豚肉拼牛肩胛嚟打下边炉。两者都色泽亮丽，睇落已感觉好唔错，虽然无讲明黑豚嚟自边度，但肉质好嫩滑，充满油脂香，而牛肩胛都好正，轻灼一下，入口既有肉味，又有脂香，非常腍滑。
时令蔬菜（套餐）食咗咁多鸡牛猪，都要揾啲菜嚟平衡吓，个二人套餐奉送时令蔬菜一份，而呢一晚就喺油麦菜，刻意唔好渌咁熟，所以，入口仲保留份爽脆感，又有菜味。
窝蛋滑牛煲仔饭（套餐）虽然啲腊味饭会惹味好多啲，但大家都好耐无食过窝蛋牛肉饭，所以就拣咗佢。为免啲牛肉焗得太耐变韧，所以，最好同侍应讲后上，预番少少时间先叫起。嚟到侍应会帮你落甜豉油再拌匀啲饭，啲饭粒爽身，捞咗甜豉油特别好食，最正喺煲底有啲脆卜卜嘅饭焦，啲牛肉切成片，非整成肉饼，咬落都几软腍，食埋个煲仔饭真喺饱到上心口。
原来表哥第一次食椰子鸡煲，佢话感觉唔错，好有新鲜感，仲可以试埋煲仔饭，喺几唔错嘅配搭，唔知出面多唔多火锅店有推出咁嘅组合，总之，对我哋嚟讲，算喺抢占咗先机。
张贴
