牛芳百世 (已結業)

咖喱牛腩饭， 男人既浪漫。几个月前，尖沙咀金马伦道开左间专食牛腩的餐厅，个名几搅笑，叫牛芳百世。午餐时间总见到满座+几pair人在等， 而且店外贴满杂志专楝介绍，令我同同事忍唔住好奇心入去开餐。餐厅内装修简单， 接过餐牌后。招牌牛有崩沙腩／爽腩／牛坑腩。（限量供应）刚好今日仲有崩沙腩， 就叫一个咖哩崩沙腩饭。因为除左牛腩， 专栏都有介绍佢地个咖喱。一上台就闻到好香咖喱味， 系我中意果只有辣油，好浓咖喱粉味果种。薯仔都拿捏得岩岩好。 唔会一夹就烂但食落去系好淋好粉。牛腩大概5,6旧, 肥瘦适中， 好有牛味， 咬落去仲有肉汁。间唔中浪漫一餐真系好过瘾。