Sahara Mezz Bar (已搬遷) 新店位置

今日想来点小冲击, 舍弃大路嘅中西日韩泰菜, 嚟到呢间座落SOHO, 主打摩洛哥风味嘅Sahara。餐厅内墙身用上夺目橙色, 配搭深啡色台凳, 加上不同形状嘅玻璃小吊灯, 令人有种置身于神秘国度嘅感觉。钟情于mezze嘅我当然系叫成个拼盘啦！前菜拼盘非常丰富, 有两款dip、鸡、羊、虾、鱼、芝士同酸菜, 一共有8款。 Egyptian Mezze Platter $210Hommos, 鹰嘴豆蓉很细滑, 带简朴嘅豆香。Zaaluk 混合茄子蓉、番茄、橄榄油同香草, 蘸pita bread食, 够晒地道！羊肉肠, 肠衣很薄, 羊肉咸香中带点香草味。虾肉煎得很香, 肉质富有弹性。feta cheese味道十分浓郁。Lamb Tagine $180 以传统Tagine锅焖煮羊肉系经典嘅摩洛哥菜式, Tagine除咗卖相具特色之外, 帽状锅盖喺焖煮过程可以凝聚水蒸气, 保留肉汁。锅中加入杏脯、西梅干、青橄榄等果肉, 令羊肉带有独特果香味。羊肉焖得非常软熟, 肉汁特别浓郁, 伴上口感蓬松嘅北非小米couscous, 简直系绝配。