金記冰室 (康怡廣場北座)

营业中

休息中

作为康怡嘅半个街坊,知道最近开咗间新嘅金记冰室。每次行过都人山人海,唔通真系咁好食?今次终于的起心肝排队去试下~佢间铺头嘅设计系新派设计但系就用怀旧主题,令人好有亲切感。等紧期间,见到原来隔离系有个地方有新鲜出炉面包卖~~真系好有以前冰室嘅感觉。等咗一阵间,终于可以入坐。地方干净企理光猛阔落 ,连佢嘅用具 ,都系睇得出有品味。佢有午市套餐或者散叫。其实价钱就差得唔远嘅,不过午餐就有饮品。我同朋友 一人叫咗个餐朋友叫咗个海南鸡餐配油饭 $70 海南鸡好嫩滑配生姜蓉或者豉油 ,仲有个例汤。油饭都食得出好香 ,七十蚊唔算贵㖞。本身我都想买午餐但系喺餐牌见到我好钟意食既牛舌呢度竟然有得食,所以就叫咗个❤黑椒牛舌炒饭 $65炒得好有镬气 但又唔油腻, 🐮舌亦都有番咁上下分量。 呢啲咁嘅镬气唔系出面普通茶餐厅都做到，所以好有惊喜~再另外叫咗个蛋白杏仁茶$15 一样系我嘅至爱。先头以为系一碗嘅甜品咁样,原来佢系杯上, 见到啲蛋白浮晒喺面 好足料 👍饮落唔单止滑,最紧要系唔太甜,感觉好滋补。绝对唔系求其攞粉开畀你,真系有料到。喺太古普通食个饭都差唔多价钱,但系呢度啲食物有质素,唔怪得知咁多人排队啦。