影片
更多
2014-12-07
8659 浏览
上次同屋企人嚟食饭时，已听过店主讲佢哋除主打摩登中菜外，更有搞吓私房菜，仲趁唔同季节加入时令食材，就好似踏入深秋，大闸蟹喺时令，就以蟹粉入馔，一早约定一班好友，一试「大力棒棒」嘅蟹粉私房宴 。食得私房菜，使费都相对较大，就以今餐为例，6道菜加两个甜品，每位$400，另加餐前小食及加一，基本茶芥就免咗。而消费够$2,000又可以要厢房，自成一角「嘈嘈贡」都唔怕影响他人，咁我哋倾偈亦静局方便啲。 话梅花生、酒腌萝卜 $10 / 碟 以两个人一碟计，即平均每人$5前菜费都好湿碎，今时今日计都唔算收得贵，其实，上次都同店主倾开前菜收费嘅问题。对比起以前嘅烟鸭胸，今次两个前菜都甚有特色，前者话梅花生腍腍哋，又甜甜哋，颇有话梅香，令人几开胃；后者酒腌萝卜爽脆清香，渗出淡雅酒味，浓度低，纯粹提升一吓大家胃口 。 自家制薏米水、洛神花茶 $32 / 壶虽然私房菜包基本茗茶，但额外饮品就要另外收费。薏米水加咗少少蜜糖冲调，味道却较为清淡，但朋友话有健脾袪湿之效；而洛神花茶喺专灯推介俾朋友，因为酸咪咪，既开胃，又消滞，仲补血气,总之，点都有益过饮汽水啦 。曾试过店家嘅小食，既特色，又好食，明
食得私房菜，使费都相对较大，就以今餐为例，6道菜加两个甜品，每位$400，另加餐前小食及加一，基本茶芥就免咗。而消费够$2,000又可以要厢房，自成一角「嘈嘈贡」都唔怕影响他人，咁我哋倾偈亦静局方便啲。
话梅花生、酒腌萝卜 $10 / 碟 以两个人一碟计，即平均每人$5前菜费都好湿碎，今时今日计都唔算收得贵，其实，上次都同店主倾开前菜收费嘅问题。对比起以前嘅烟鸭胸，今次两个前菜都甚有特色，前者话梅花生腍腍哋，又甜甜哋，颇有话梅香，令人几开胃；后者酒腌萝卜爽脆清香，渗出淡雅酒味，浓度低，纯粹提升一吓大家胃口 。
话梅花生、酒腌萝卜
116 浏览
0 赞好
0 留言
虽然私房菜包基本茗茶，但额外饮品就要另外收费。薏米水加咗少少蜜糖冲调，味道却较为清淡，但朋友话有健脾袪湿之效；而洛神花茶喺专灯推介俾朋友，因为酸咪咪，既开胃，又消滞，仲补血气,总之，点都有益过饮汽水啦 。
自家制薏米水、洛神花茶
73 浏览
0 赞好
0 留言
晾衫白肉 $78 晌之前嘅食评都介绍过，所以就唔多提，套用朋友嘅食后感，就喺既香且麻，腩片配青瓜爽而不腻，整体辛香鲜爽，喺一道开胃前菜，加上卖相别致有惊喜。
晾衫白肉
111 浏览
0 赞好
0 留言
同样都曾经试过，水准无乜走样，虾肉鲜甜弹牙，多士香脆不油，的确喺极香口嘅「小食」。
大虾球锅贴
83 浏览
0 赞好
0 留言
炸香嘅鱼头片再以椒盐爆炒，惹味喺必然。鱼片头入口爽弹而有鱼鲜味，外层又脆脆，喺略嫌椒盐味唔够重手，相信重手少少仲能够突出鱼鲜味，久唔久一次半次唔健康少少都OK啦！
椒盐鱼头片
70 浏览
0 赞好
0 留言
鸡丝粉皮本应已经试过喇，不过，店主话加咗一个麻辣版，又即管睇睇喺点。麻辣版以自家制麻辣酱代替芝麻酱，果然辛麻刺激，辣得醒神；而鸡丝幼嫩，粉皮滑溜，口感不俗。
麻辣鸡丝粉皮
43 浏览
0 赞好
0 留言
头盘（三小食）
果然摩登，就连摆盘都搞点新意思，碟边印上乐谱及小蝴蝶，三小食嘅摆设又各有唔同形态，务求未食睇见都令人开心，因为个卖相都搞到大家谈论咗数分钟先舍得落手。三小食分别喺士多啤梨豚肉、炸广岛蚝及香煎带子，几样都精致小巧，味道亦绝不逊色，豚肉挂满士多啤梨汁，外层带点脆而满有果香；炸蚝酥脆甘香，一咬咔嚓作响；带子鲜甜肉厚，汁香浓蜜 。
头盘（三小食）
123 浏览
0 赞好
0 留言
色泽深沉而清澈见底，汤料喺龙喺凤一望就知，加上即场捞起嘅汤渣，无得呃。炖鸡汤无添加，饮落清甜滋润，秋冬更啱，再者，虫草花性质平和，对增强人体免疫力有一定的作用，多吃无妨。
虫草花螺头炖鸡汤
75 浏览
0 赞好
0 留言
蟹粉蒜包 第一道蟹粉菜式卒之出场，哗！打开盖，不得了，原汁原味嘅一小瓦锅蟹粉以蜡烛台座热保温，蟹粉份量十足，又不容易因冻咗变腥，大厨嘅心思抵赞。而3片蒜蓉多士烘得香脆，配热辣辣蟹粉食，效果真喺出奇地好，蟹粉 甘香鲜美，蟹膏丰腴鲜香，如蒜蓉多士嘅蒜味再减些少，跟蟹粉鲜香味更平衡 。
蟹粉蒜包
72 浏览
0 赞好
0 留言
蟹粉花胶炒鲜奶 正所谓一不离二，第二道蟹粉菜随即登场，大量橙红亮丽嘅蟹粉铺晌雪白嘅炒鲜奶之上，下面再垫有花胶丝，不单派头十足，更喺抢眼非常。蟹粉晌上道菜都知其底蕴唔多讲，炒鲜奶做得嫩滑细腻，淡淡嘅奶香配合浓郁嘅蟹粉鲜，不得不俾个赞，仲有有咬口嘅花胶，令整道菜口感唔单一 。
蟹粉花胶炒鲜奶
47 浏览
0 赞好
0 留言
估唔到以中西合壁嚟做依道面食，乌卒卒嘅墨鱼面非常烟韧有咬口，个卡邦尼汁又做得有水准，充满芝士香味之余，厚度啱啱好，令面条挂满汁又唔会泻番落嚟；至于啲鲜虾，大只，爽口，以天妇罗方式制作，炸得甘金，如去埋壳就更窝心。
卡邦尼鲜虾墨鱼面
81 浏览
0 赞好
0 留言
海鲜虾球浸时蔬 最后一道菜喺时蔬类，卖相好精致，犹如高级中菜厅用餐。由于汤底味鲜浓香，所以，连带绍菜都十分清甜好食，加上爽弹新鲜嘅虾球，不油不腻，清清味蕾，为尾声作一个缓冲，好接住品尝甜品 。
海鲜虾球浸时蔬
50 浏览
0 赞好
0 留言
虽然都只不过喺椰汁糕同桂花糕，但卖相加点花巧，视觉幻彩一啲，捧出嚟个客嘅感觉都好唔同，当然，质素都仲喺要唔失礼先得，否则好睇唔好食又喺唔掂。两款糕基本上都够冰凉，椰汁糕做得平滑，富椰汁香，而桂花糕晶莹加上以花模吸成，清淡幽香，好睇好食。
冰镇鸳鸯糕
75 浏览
0 赞好
0 留言
拔丝巨峰提子、士多啤梨 又一个卖相有惊喜嘅甜品，其实，衬咩生果都其次，巨峰提子及士多啤梨固然都喺香甜好食嘅水果，但啲「拔丝」做到如发丝般纤幼，撕下一小片，食落有脆卜卜嘅感觉，几过瘾架 。
拔丝巨峰提子、士多啤梨
57 浏览
0 赞好
0 留言
虽然只喺有两道喺蟹粉菜式，但整体嚟讲已好足够，尤其个蟹粉蒜包。此外，菜式嘅配搭亦见功夫，不负摩登之名，而且，卖相更见心思，绝不求其，务求色香味全，所以，今夜确喺好称心嘅一晚。
张贴
