東羅 泰館 (已結業)

嚟觀塘搵朋友食晏，揀咗呢間主打摩登輕食泰西 fusion 菜餚嘅「ThongLor No.9 東羅泰館」。餐廳位於 YM² 平台花園，門面以綠白兩色為主調，內在環境寬敞，牆上掛了多幅以舊裕民坊為主題嘅畫作，配上門前嘅泰式藤椅，甚有異國寫意情調！餐廳以 Thai Western Café 為概念，午餐選項非常豐富，有沙律、飯、湯粉和手作麵等，另外亦可以用優惠價加配小食及甜品。泰式香葉辣肉碎煎蛋飯 ($78)  肉碎炒得好香口，辣辣地，鑊氣十足，勁惹味。太陽蛋有燶邊，食落頗脆，蛋黃呈流心狀，入口富蛋香，用嚟送飯一流。炭烤肉眼牛丸船麵 ($83)  湯底味道好濃郁，帶牛骨甜味。肉眼軟嫩多汁，經炭烤後，肉質更添嚼勁。牛丸紥實有咬口、豬皮脆卜卜，加上掛湯嘅金邊粉，啖啖精華。加配咗兩款小食，炭烤手作雞肉串 ($30) 同 單骨雞翼配自家泰式辣醬 ($22)，雞肉串燒得啱啱好，表面微焦，入味又有沙嗲香。雞翼香脆可口，沾泰式辣醬吃，更添滋味。午餐附送飲品，有即磨咖啡、香桃花茶及美式咖啡可供選擇。一場嚟到，梗係要食埋甜品先走，點咗椰子芒果雪糕凍 ($48) 同 提拉米蘇 ($48)，兩款嘅賣相都好精緻。