影片
更多
2013-07-14
82 浏览
札根沙田二十多年的Parkview，我细细个由A1年代已经开始食起，特别有情意结！自从自由行进驻新城市广场以来，更不断见证Set Lunch价格创新高！虽然系咁，但品质总算仍然维持得到，绝对无欺骗观众！餐饱一如以往，仍然系超乎水准之作。面饱上枱既时候香气四溢不特止，入口既感觉重十分松软。由于仍然有少少微温既关系，当饱同牛油混合埋一齐既时候果种感觉真系好正，绝对唔系一般ABC餐之流！就算我食完去对面A1面饱店买返一模一样既饱返屋企整返热都食唔返果种味道！杂菜汤方面略为甜左少少，但蕃茄既味道却略嫌不足。另外，份量方面亦都比较偏细，大食如我既男士可能有少少「到喉唔到肺」既感觉。虽然系咁，里面既料亦都算系好足，蔬菜同红萝白爽口之余亦都冇太腍既感觉，算系交足功课。英式早餐非常特别，好少喺西餐厅Set Lunch时段食到。不过老实讲，唔计个杂菜沙律其实只有半碟系早餐，但猪肉肠同埋烟肉都总算跟足传同英式方法去煎。虽然较油，但反而可以因为咁食得出正宗英式既感觉。太阳蛋同蕃茄就一般啦，始终餐厅如果连呢两样野都做唔好真系唔可以接受。唯一要批评既系蘑菇稍为过淡，我相信厨师应该系将佢地放落水渌熟到七七八八再落
餐饱一如以往，仍然系超乎水准之作。面饱上枱既时候香气四溢不特止，入口既感觉重十分松软。由于仍然有少少微温既关系，当饱同牛油混合埋一齐既时候果种感觉真系好正，绝对唔系一般ABC餐之流！就算我食完去对面A1面饱店买返一模一样既饱返屋企整返热都食唔返果种味道！
杂菜汤方面略为甜左少少，但蕃茄既味道却略嫌不足。另外，份量方面亦都比较偏细，大食如我既男士可能有少少「到喉唔到肺」既感觉。虽然系咁，里面既料亦都算系好足，蔬菜同红萝白爽口之余亦都冇太腍既感觉，算系交足功课。
英式早餐非常特别，好少喺西餐厅Set Lunch时段食到。不过老实讲，唔计个杂菜沙律其实只有半碟系早餐，但猪肉肠同埋烟肉都总算跟足传同英式方法去煎。虽然较油，但反而可以因为咁食得出正宗英式既感觉。太阳蛋同蕃茄就一般啦，始终餐厅如果连呢两样野都做唔好真系唔可以接受。唯一要批评既系蘑菇稍为过淡，我相信厨师应该系将佢地放落水渌熟到七七八八再落镬炒，只可惜用油同盐既份量不足所以变得淡而无味，有少少失望。另外，茄汁豆好明显系罐头既质素，本来绝对无问题，只系reheat既时间唔够，个sauce将D豆浆到好似一pat野咁，口感极差！
温泉蛋野菜肉酱意粉方面，酱汁非常特别，不单食到蕃茄既香味之余重有少少甜味，当佢沟埋温泉蛋既蛋浆既时候，两者既化学作用刚好令到味道更出，十分特别！意粉方面就一般一般，不提也罢，反而野菜方面非常出色，非赞不可！青瓜同南瓜放落肉酱意粉呢个组合较为少见，不过咁样既配搭相对令到肉酱意粉唔会净系得一pat肉咁斋，有d chunky D既蔬菜带出爽口既口感之余更加俾单单「食肉兽」既组合黎得更为健康，睇得出厨师喺谂菜式既时候真系有落过功夫，抵赞！
总括黎讲，沙田既消费已经同铜锣湾、中环等等既水平差唔多。不过唔紧要，只要交足功课的话，我相信大家仍然乐意花多一个几毫去appreciate你地既effort的，加油！
张贴
