影片
更多
2019-04-15
175 浏览
今晚夜左收工唔算太肚饿，同老公讲我想食下串烧饮下啤酒，上网一睇见到共度一宵咁多人推介就即刻揸架车嚟咗呢度食下野啦！嚟到发现佢都几有风味㖞，有少少大排档嘅感觉，唔知大家觉唔觉得而家少咗好多呢啲风味餐厅呢？事不宜迟梗系嗱嗱临叫𩠌啦！首先登场嘅系炸芝士虾丸，上碟𠮶阵见到佢标晒烟都知危险㗎啦，一咬落去真系有pat芝士跌咗出嚟！好好食㖞，炸粉炸得啱啱好，入边仲有半熔状态嘅芝士，竟然令我谂起细个喺九龙城金宝泰国菜馆食个粒炸虾丸！！！当然呢度价钱就抵好多啦！多春鱼，条条都肥嘟嘟！原只烧鸡翼亦都好多汁，之前见到有人话鸡翼唔系好入味，唔知老板系咪改良咗呢，其实好够味㖞，出边仲要脆皮添！烧牛舌，牛舌系厚切嘅，不过好入味之余仲好弹牙！好出色，我自己认为系其中一味必要嘅菜式！另外中间嘅鸡皮都好值得推介，$19有两串仲有泰国嘅感觉！令我最右手边嘅五花腩亦都好好食，佢嘅感觉就好似你食韩烧个块五花腩切咗出嚟做串烧咁！黄花鱼，必叫！老板同我地讲今日啲鱼好新鲜叫我地试吓，上碟嘅时候发现原条上已经心知冇嗌错！条鱼真系好新鲜，同老细倾下倾下佢同我地讲原来佢系今朝早喺隔离街市自己买嘅，仲游紧水㗎，我谂开系街市附近就系有呢度好
嚟到发现佢都几有风味㖞，有少少大排档嘅感觉，唔知大家觉唔觉得而家少咗好多呢啲风味餐厅呢？
事不宜迟梗系嗱嗱临叫𩠌啦！首先登场嘅系炸芝士虾丸，上碟𠮶阵见到佢标晒烟都知危险㗎啦，一咬落去真系有pat芝士跌咗出嚟！好好食㖞，炸粉炸得啱啱好，入边仲有半熔状态嘅芝士，竟然令我谂起细个喺九龙城金宝泰国菜馆食个粒炸虾丸！！！当然呢度价钱就抵好多啦！
多春鱼，条条都肥嘟嘟！原只烧鸡翼亦都好多汁，之前见到有人话鸡翼唔系好入味，唔知老板系咪改良咗呢，其实好够味㖞，出边仲要脆皮添！
烧牛舌，牛舌系厚切嘅，不过好入味之余仲好弹牙！好出色，我自己认为系其中一味必要嘅菜式！另外中间嘅鸡皮都好值得推介，$19有两串仲有泰国嘅感觉！令我最右手边嘅五花腩亦都好好食，佢嘅感觉就好似你食韩烧个块五花腩切咗出嚟做串烧咁！
黄花鱼，必叫！老板同我地讲今日啲鱼好新鲜叫我地试吓，上碟嘅时候发现原条上已经心知冇嗌错！条鱼真系好新鲜，同老细倾下倾下佢同我地讲原来佢系今朝早喺隔离街市自己买嘅，仲游紧水㗎，我谂开系街市附近就系有呢度好啦，可以揾到最新鲜嘅食材！食客们有福了
番薯仔好好味，佢系直情烧到成粒都软绵绵，咬落去好粉好烂咁兼且劲甜！而我最爱嘅鸡泡鱼干当然都唔会令人失望啦
蒜蓉烧生蚝，呢咪又系老板推荐嘅！但系佢一开始推荐嘅竟然唔系只生蚝而系上面嘅炸蒜蓉？我期待左一阵，究竟点解佢会将个重点放喺蒜蓉上面呢？到到上碟我就知道原因系咩啦，我自己就好钟意食蒜嘅，而一食落去你就发现，上面嘅唔系生蒜而系烧过炸过嘅蒜蓉，入口有啲creamy好好味其实老板知道我钟意食蒜蓉仲推介我叫蒜蓉烧茄子，不过好可惜我自己唔识茄子，如果唔系相信应该都系好好味嘅！生蚝亦都好新鲜，唔系平时普通𠮶啲冰鲜筒蚝！
呢间野又列入左我近期食过嘅大爱啦！最抵赞嘅系你会发现佢每一味菜到用咗心思去研究点样先煮得好味！就好似好简单无人留意到嘅蒜蓉佢都会落足心机研究点先最好食！有心嘅餐厅而家真系好难得，要继续努力！香港小店是需要支持的！！！
张贴
