祥香茶餐廳 (已結業)

只不过系之前两个礼拜嘅事，宣布呢间老牌茶餐厅11月30日就会结业，今日只不过系10月22日下昼2:30左右，已经大大张纸贴出嚟客人众多，超出咗佢哋预算嘅食材供不应求提早闩门！😵‍💫我系专登由铜锣湾搭叮叮过去，其实早两日已经去过一次，不过当日知道自己真系迟咗（5:45先到达），佢闩咗门都情有可原！不过今次⋯⋯⋯以我嘅记忆我应该去过一次食过佢嘅菠萝包奶茶，我系比较钟情呢啲旧式嘅茶餐厅，佢仲有两层，更加难能可贵，仲要有埋即制新鲜面包喺门口卖）😍推介佢嘅独创莲蓉鸡尾包，我谂想试都冇乜希望，可能要一早去到或者平日嘅时间？可以想像真系the last𠮶日会发生咩情况，就好似九龙城𠮶间。唔怪得啲店主咁样讲嘅「平时又唔见啲人嚟帮衬，一听到话结业就蜂拥而至，有嘅时候又唔珍惜⋯」唏嘘嘅系以后剩返𠮶啲连锁店无哂特色。