影片
更多
2020-03-04
1969 浏览
公司一向有包伙食供应，足不出户餐晏就晌公司搞掂，但新冠状病毒疫情关系，有啲新安排，包伙食就暂停咗先，同事们就叫住外卖。由于「笔直」有限，所以，我哋都喺嗌快餐店之类。今日就试咗「美心MX」嘅喇沙，觉得唔错，就草草哋写番篇。呢一款「喇沙掺掺」可以配谷饲肥牛片（$47）或香茅猪扒（$46），同样包基本餐饮。小弟就选咗肥牛，而大碗内喺掺掺、炸鱼片、半只烚蛋同啲芽菜，而细碗内则喺喇沙汤底及三数件豆卜，望见橙红色嘅喇沙汤，以及散发阵阵香气，感觉几对办。未倒汤，碗粉都好坠手吓，落埋啲汤落去，真喺「感觉」到个份量十足，不过，你睇碗粉满满就知无呃秤啦。碗内嘅掺掺（油面捞米粉）确喺几多，而肥牛亦有唔少，挑剔位喺啲油面腍咗啲，相信啲肥牛一早灼好放晌盒内，唔算好滑；反而，个喇沙汤就几得，浓郁而有椰香，我仲清咗个汤七七八八。晌中环食晏一向都唔平，就算快餐店、茶记一样唔平得去边。所以，$47个餐，份量足，包埋嘢饮，加上味道唔差，都算喺咁啦！
呢一款「喇沙掺掺」可以配谷饲肥牛片（$47）或香茅猪扒（$46），同样包基本餐饮。
小弟就选咗肥牛，而大碗内喺掺掺、炸鱼片、半只烚蛋同啲芽菜，而细碗内则喺喇沙汤底及三数件豆卜，望见橙红色嘅喇沙汤，以及散发阵阵香气，感觉几对办。
未倒汤，碗粉都好坠手吓，落埋啲汤落去，真喺「感觉」到个份量十足，不过，你睇碗粉满满就知无呃秤啦。碗内嘅掺掺（油面捞米粉）确喺几多，而肥牛亦有唔少，挑剔位喺啲油面腍咗啲，相信啲肥牛一早灼好放晌盒内，唔算好滑；反而，个喇沙汤就几得，浓郁而有椰香，我仲清咗个汤七七八八。
晌中环食晏一向都唔平，就算快餐店、茶记一样唔平得去边。所以，$47个餐，份量足，包埋嘢饮，加上味道唔差，都算喺咁啦！
张贴
