撈喜 (已結業)

我在筲箕湾出世，BB嘅时候喺筲箕湾读BB班。有时都会search下筲箕湾有乜嘢好嘢食，见食评写得唔错，相片又靓，花胶、海参大大件，所以即刻要来试吓啦。好彩有订位，6：30已经爆满，原来只有星期一至四可以订位，五、六、日就要等位。我们走时门口仲有7、8个人等紧位，因为铺位内只有十几廿个位，所以建议早些去。我们要了一个套餐，有花胶捞虾子面、鱼翅炖汤、生菜、猪颈肉，都系148咋。花胶捞虾子面，花胶又淋又滑，有我半只手掌。花菇好有口感、菇味好香喔。虾子面面有啲弹性，虾子好咸香，份量好多两个人都可以够食。鱼翅炖汤，材料有瘦肉、红枣、杞子、鸡脚、翅边，汤味清甜，冇味精㖞。猪颈肉烤得好香，伴有芝麻酱，都几好味。另外追加安格斯牛柳（有10粒）都系$48，外皮煎得好香脆，而内𥚃牛味十足。