芽莊越式料理 (北角匯二期)

营业中

休息中

喺炎炎夏日嘅情况下呢通常都冇乜胃口去食嘢㗎啦，咁呢个时候最啱就系食啲酸味味好开胃，但系又唔会太热辣辣嘅嘢食。何况系连续几日都30度以上。越南芽庄虽然喺香港好多地方都有分店，不过今次呢我就真系第一次食。之前都一直好想试㗎啦。睇过佢嘅lunch Menu我最想试嘅就系佢个鱼饼捞檬。个碗都算系几大份，炸蒜喺其他地方都未必有咁多嘅。底下𠮶啲都系生菜，生青瓜。佢嘅捞梦汁有啲似系泰式辣酱。但系酸嘅味道偏多。饮品方面我就选择咗冻嘅青柠梳打，冇乜特别都系杯入面有个青柠，跟住再倒啲梳打水落去。结果喺临买单𠮶阵时发生咗少少意外，明明只系三个人，但系餐厅就话我哋点多咗一个餐。最后仲话𠮶个餐已经整好咗出嚟，要我哋俾埋钱。𠮶个餐其实都冇食过，最后唯有比多份钱拎走咗。