源品車仔麵茶餐廳

营业中

休息中

呢间舖头成日都比附近嘅茶餐厅抢咗风头，不过其实佢嘅捞车仔面都几好味。本人推介捞肠粉，因为其他舖头未必搬入肠粉，肠粉要即日卖晒如果唔系就唔新鲜。$46可以配冻饮或者热饮， +3种车仔面嘅食物。我比较钟意食煎午餐肉，咖喱鱿鱼，牛腩，同埋鸡翼都几入味。之前叫过猪大肠就一般，有一浸猪臭味。整体每样𩠌嘅份量都几大！你亦都可以配酱汁，我试过配牛腩汁或者系咖喱汁。本人觉得牛腩汁冇乜味，咖喱汁配上肠粉就一流。嚟到之后你仲可以自己加甜酱花生酱等等，顺带一提入面嘅阿姐服务态度都好好，佢亦都唔会推介你食边样小食。最后之前试过食佢汤嘅车仔面，我就觉得佢汤底比较淡，推介捞面-捞肠粉。