八月芳 (已結業)

今日team lunch落咗太古坊间八月芳食，都食咗咁多次谂住来来去去都系食𠮶啲，点知今次竟然有惊喜! 全因秘书姐姐order咗味叫"捞起"嘅𩠌，其实佢有啲似沙律，有炸芋丝、海蜇、金柚肉、三文鱼同埋有啲汁等等..最搞笑系𠮶哥哥仔一路落料一路讲祝贺说话，好似落三文鱼𠮶时讲「年年有余」，真系劲新年feel。跟住，我哋拣自己捞，结果成team人捞到劲high，最high梗系老板啦!味道方面一食落口，甜甜酸酸几得意，𠮶口感又几好㖞，真系估唔到美心有啲咁特别嘅嘢食，值得一赞！