影片
更多
2005-05-20
1 浏览
今晚约左朋友仔食饭本来想去九龙城食泰国菜但见落雨湿湿打消左呢个念头突然想食檬粉或者金边粉决定去食越南菜黎到六点几得一两台人叫左盐烤牛肉捞金边粉,越式海鲜杂菜煲,风味小食拼盘同一杯用左士多啤梨汁,香橙汁,啤梨汁同梳打混成既红色饮品盐烤牛肉捞金边粉～牛肉好大片,但有d un,不过都有少少牛肉味,可以咁啦!金边粉由于平时餐牌上无冻捞,所以系即刻渌俾我既,带少少热,但混合左d酸辣汁味道唔错!不过美中不足系仍然有少少黐埋一旧!越式海鲜杂菜煲～呢个好足料,有新鲜虾,鱿鱼,鱼片,芥兰,椰菜,粉丝,青口,菠萝,青椒等等配料,d汁味道o岩o岩好,唔会太浓,起码食完唔会话劲口渴. 粉丝份量好多,两个人叫一碗金边粉加埋呢个d粉丝够晒饱肚!风味小食拼盘～有凤爪,炸虾饼,扎肉同滨海,凤爪带少少辣,又无乜骨,味道唔错. 炸虾饼炸得唔油,虽然无泰苑o个d咁弹牙,但都有虾味,点左甜酸酱味道都唔错! 扎肉都系街巿即食货,但可能我好耐无食过呢样野,又觉得唔错㖞!不过至好系份量有好多,一d都唔孤寒. 反而最差系滨海,佢系一片虾片上放左檬粉,猪肉,葱油,我习惯一层层咁食,但食到尾想食虾片时,发现虾片上面有好多油,而且仲腍晒,
本来想去九龙城食泰国菜
但见落雨湿湿
打消左呢个念头
突然想食檬粉或者金边粉
决定去食越南菜
黎到六点几
得一两台人
叫左盐烤牛肉捞金边粉,越式海鲜杂菜煲,风味小食拼盘同一杯用左士多啤梨汁,香橙汁,啤梨汁同梳打混成既红色饮品
盐烤牛肉捞金边粉～牛肉好大片,但有d un,不过都有少少牛肉味,可以咁啦!金边粉由于平时餐牌上无冻捞,所以系即刻渌俾我既,带少少热,但混合左d酸辣汁味道唔错!不过美中不足系仍然有少少黐埋一旧!
越式海鲜杂菜煲～呢个好足料,有新鲜虾,鱿鱼,鱼片,芥兰,椰菜,粉丝,青口,菠萝,青椒等等配料,d汁味道o岩o岩好,唔会太浓,起码食完唔会话劲口渴. 粉丝份量好多,两个人叫一碗金边粉加埋呢个d粉丝够晒饱肚!
风味小食拼盘～有凤爪,炸虾饼,扎肉同滨海,凤爪带少少辣,又无乜骨,味道唔错. 炸虾饼炸得唔油,虽然无泰苑o个d咁弹牙,但都有虾味,点左甜酸酱味道都唔错! 扎肉都系街巿即食货,但可能我好耐无食过呢样野,又觉得唔错㖞!不过至好系份量有好多,一d都唔孤寒. 反而最差系滨海,佢系一片虾片上放左檬粉,猪肉,葱油,我习惯一层层咁食,但食到尾想食虾片时,发现虾片上面有好多油,而且仲腍晒,我谂系一早整定所致!呢个最唔掂,但不得不同意呢碟系好抵食
红色饮品～本来无打算叫,但佢话饮品半价,见呢个汁几特别又系人气之选,咪叫一杯试下,点知好失望,得个甜字,无乜特别!下次都系唔会叫野饮!
服务可以话几好,有个男侍应反应都几快,叫佢加水都即刻做到,另外帮手落单既女侍应都几有礼貌,但衰在无乜笑容啰!
至奇系有个好似系老板娘既女人叫佢黎落单时好似好唔情愿咁,虽然最后都有行过黎,但一见有客入黎即刻乘机闪开,好彩另外个女侍应即刻补位帮我落单
p.s.呢度夜巿要收加一架!另外一提系厕所o系舖尾,要经过一小段比较dirty既路先行到去! 建议去完先好去食饭!
张贴
