碰碰麵撈麵專門店 (已結業)

碰碰面, 个名同个logo都好得意。落单要自己圈，先拣面，有虾子面，米粉，粉丝同乌冬。然后拣汤，有海鲜汤同胡椒猪骨汤。跟住就系拣𩠌，好多野拣，有唔同既丸，鱼肉春卷，花菇，牛腩等等，有D似车仔面。唔想自己拣可以叫餐，有咖喱牛肉捞面，鲍鱼捞面等等几个餐，包埋前菜同餐饮。虽然佢最出名系虾子面，试左友人个碗冇虾子味，好似冇乜特别，于是叫左秘制酱油捞粉丝。粉丝配埋椰菜，木耳同芽菜,感觉健康。酱汁淡到冇味，粉丝又干又痴埋一旧旧，份量好细。 唯有加D汤落去一齐食。粉丝咁差，估唔到胡椒猪骨汤几好㖞！ 好香胡椒，辣得好惹味，总算搭救少少印象分。友人话牛腩唔错，本人觉得准山比较特别，车仔面唔会食到，佢分喺汤入面上，味道清新，口感几爽。