金船長餐廳 (已結業)

提起大角咀金船长 一定冇理由唔知道佢得奖食品，黑松露马卡斯芝士夹心薄饼， 今次真为呢个pizza而来, 而且入到去已见到， 大大只字写住得奖作品，所以唔会漏点了。 今次得我同老公两人， 所以点咗个细size 16吋， pizza内涵夹著超级多的黑松露, 外皮沾满了浓郁嘅芝士， 内软外脆， 侍应介绍这三种食法，第一种就系最原始，就咁食。第二种呢就系沾了佢哋每日新鲜酿制嘅葡萄醋食，第三种就系加上沙律菜一齐食。 无论点食都系咁好味。另外点了焗田螺，炸软壳蟹，美国肉眼牛扒，甜品点了梳乎厘。法式焗田螺， 往时食开都系薯蓉焗， 但今次流质很多，有大量蒜香牛油可搽面包， 田螺肉保留了水分很鲜嫩。炸软壳蟹放喺长碟上，卖相精美，入口软腍，外皮炸得脆脆的， 冇油益味。美国肉眼牛扒配薯菜，黑椒汁。 薯菜烤得刚好，还保留著水份。 黑椒汁另上， 食客可以自行决定落几多，贴心服务。 牛扒五成熟刚刚好， 保留了肉汁， 如果可以加多块牛油系底，热碟上一定更美味。梳乎厘高高耸起， 外形松泡泡， 充满空气感 ，吃下感觉轻盈， 是近期比较喜欢嘅一种甜品，好味道。