Warren (已結業)

大坑系我读书年代成日流连既地方，而家真系好少去大坑了⋯今晚揸车入黎，预先已订好位，好在订左位，店子不大，好快已坐满座。我俩点左二人餐。Starter可以拣两款，我地要左羽衣甘蓝牛油果黎麦沙律配士多啤梨青柠汁 & 香煎鸭肝配无花果苹果酱。羽衣甘蓝沙律好Fresh感觉好清新，即刻更觉肚饿！而鸭肝煎得刚刚好，好香好有味道。我俩都拣左蟹肉南瓜汤，加上蟹肉亦不少，rich得黎劲creamy, 好味！主菜我拣选左香煎石斑鱼，伴菜有薄薯仔片，旁边有特制酱汁，不错啊～另一半就拣左烧羊架，好香而且唔so, 好正！