心夜來潮 (已搬遷) 新店位置

同旧朋友好耐无见, 今晚终于约到出黎食饭见面. 朋友提议话去近大角咀依间叫"心夜来潮"人气餐厅! 一听到个名, 我觉得好搅笑! 真系心夜来潮黎食饭!我好奇就问食咩嘅? 朋友话多元化. 有海鲜有鸭有鱼蛋, 唔止只系潮州嘢!听落唔错. 就去试吓啦! 原来依间真系小店,地方唔大! 但我估一定几好食, 因为都有好多人等位. 我地都要等咗10分钟先有位. 其实大家唔介意地方夹窄. 因为小店出品多数都比连锁好好食! 另外仲有一样欣赏系依间店舖, 就系全部年青人搅的. 一定要可以支持年青人创业! 我地叫咗小米饺, 一共有8粒只系20蚊! 皮质烟韧, 食落好似鱼皮饺,好食有鱼味道! 另外我地仲叫咗酱卤鸭$68 味道浓郁,肉质松化, 加上佢地独特嘅卤水味, 味道适中!系我最钟意食嘅一道菜!两个女仔, 我地仲叫正宗汕头手打煎肉丸$28. 都有6粒左右啦! 哗! 都几弹牙, 自家制出品真系特别唔同! 真系可以用嚟打乒乓波!最后就系秘制酱香猪手$32! 大大件, 够念, 味道比一般卤水猪手更正! 非常抵食! 总括嚟讲! 依几个年青人出品认真, 非常有心思诚意! 平均每人都系$80, 下次真系要再嚟支持下!