達人包車 (已結業)

之前过来试过呢度嘅一米长嘅烤串，觉得呢度野食几唔错，就带佢过来再试试新野食，果然无令我地失望！呢日嘅人唔算太多，都唔算太少，反正我地来到刚好有位置坐。餐牌做得几精致，上边嘅炸鸡我都想食啊，芝士、酱汁、蜜糖好多品种，我地点咗一碟脆皮炸鸡，外皮真系好脆嘎，而且鸡身仲系几热下，好好味！前菜有三个品种，韩国泡菜，玉米粒同埋青瓜丁，可以当下饭菜！酱烤牛肉好大盘，只要$ 280，食到我地超级饱！味道好好！来多几盘都得添！海鲜味葱煎饼，$ 140，老人成日话多食葱聪明，点解我仲系咁傻嘎，哈哈，不过好好味！芒果汁饮料同埋西柚果汁饮料，都系各$ 50，味道非常好，在咁鬼热嘅天气，刚好可以解暑！