Felice Cafe & Pasta (已結業)

今晚黎支持下呢间位于希云街既黄店，门面最多彩色memo 果间就系喇～铺头细细但坐得舒服。✨食物选择唔算好多，但贵精不贵多～今日食既全部都唔错😋✨叫左两杯奶盖茶，本身想叫白桃，点知转左做葡萄柚，真系错左错著😆。呢个葡萄柚个味酸酸甜甜好香，加上杰杰地既奶盖，真系好咸香好好饮。另一杯叫左百香果味，呢杯相对味道酸d, 虽然都好饮，但最后我都系钟情葡萄柚😍。✨海胆黑松露忌廉汁扁意粉（$138）：橙黄色既海胆大大块好吸引，好快半啖啪晒入口，味道甘甜嫩滑。忌廉汁好creamy 同好香黑松露味，但食落唔会有腻既感觉，个扁意粉超挂汁👍✨蒜片鲜虾辣肉肠意粉（$88): 呢个意粉食落辣辣地又几惹味，平时唔食得辣既我都食得到。个意粉仲好香蒜味，质地好干爽同入味。虾肉够弹牙，辣肉肠煎到少少脆几香口。