人人和平小飯店 (已改名) 查看

今日星期六有少少空档时间，趁机过嚟试吓呢间，入到嚟一睇，非常茶餐厅格局啫😑有乜咁特别想试呢？揸主意话要嚟食𠮶位话，呢度要试叉烧、烧鹅、炸蟹钳，点咗个二人套餐，加咗碟烧鹅，嗯，唔错㖞⋯⋯烧鹅好好味，要咗下庒，个汤羹好好饮，材料足又够热，炸蟹钳亦系新鲜热辣，所有𩠌都系热的。至于叉烧呢，我哋点咗肥叉，同我哋食开一般肥叉唔同，严格来讲今日𠮶啲唔算肥啰，但系食到当中有心机嘅，面𠮶层就系肥，所以可以好圴勺咁㶶法，但佢𠮶种规矩得滞嘅卖相系脱离咗一般对肥叉嘅期望，另外系佢用嘅系蜂蜜，无平日蜜汁叉烧咁浓稠，但佢系好食嘅。啲伙记哥哥姐姐服务好好嘅，佢哋够老实，见我哋点了二人餐，已经好唔心足咁另外点了个烧鹅下庒，仲想追加个蚬戒鲮鱼球，个侍应姐姐就碌大眼话「仲加？太多嘢食唔晒㗎喇」😅食到一半见人饮奶茶，又想饮，今次个侍应哥哥又好贴心咁问「而家起定等你食完先呀⋯⋯」🥰咁先系服务吖嘛👍🏼要收十蚊位茶钱系贵咗啲，但系佢嘅普洱茶有阵特别味，打开壶盖一睇，中间茶隔嘅系陈皮😌☕️好饮过好多酒楼啲茶。整个餐饮经验系属愉快嘅😊👍🏼